Hilassi Ergaano 8:28 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁸ Ulla garruhi faraꞌde jiitto kafiddiya, iliissa inokhta, chiirnaanneti eti Waákh íyeyyeedo Isaaya layadeeh chiire, iche sooma.

Hilassi Ergaano 8:28 Referans Kwoze

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

Hilassi Ergaano 28:25

Inkoo Baawulo ayta yomboot cheeke ka ꞌdooꞌd iswaaye toro kaheen. Baawulo la wihi us yidah, “Geeddoo meheenye Rubeyti Munyee afi eti Waákh íyeyyeedo Isaaya layadeeh ka aacchinyeteen leeyyeedde. Yeediis la kalla,

Luuka 4:17

Khadaaboo yuubane etoo Waákh íyeyyeedo Isaaya layadeeh chiire liidiibe. Ulla khadaab furfure, inti waha kachiiranyahiin ꞌhele.

Luuka 3:4

Saggi buuggi eti goorat Waákh íyeyyeedo Isaaya layadeeh liikachiiruu, “Etoo hidaad ka a rirriira, ‘Kamur jit imujjummoocha, jiti us leeyamiit ficcha.

Hilassi Ergaano 8:27

Ulla kahe irte. Jit ka etoo ili Saaꞌdaame sangꞌee ꞌhele, ulla a etoo khummane chilimmeti makhaabassi karnatenye ili Saaꞌdaam dakhatti Kandake layadeeh tuumman khuccho. Ulla ilkerengeetti weene Yeerusaleeme irte, Waakh wahte.

Hilassi Ergaano 8:29

Rubeyti Munyee la wihi iche Fiilif itidah, “Nyaame, garruhaas faraꞌde jiitto haggahiis fiddi.”