Hilassi Ergaano 8:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Beetero wihi us ilaabe, “Chilimmetaah a kileebaabaato. Wihi tahe at wihi Waakh kisiicho, kol at chilimme kagatatti, iche koogtahe.

Hilassi Ergaano 8:20 Referans Kwoze

Mattaayo 10:8

ꞌDooꞌdi khakkhannan samaacha, ki tuume omoot kasookahcha, ki buꞌda sar kakhabo samaacha, ki ginnayyo dakhtaan la, ginnayyo kabahcha. An miigta iꞌdaanu atin siiche, taba waha yeela ꞌdooꞌd la walah akagutanna.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Bakkaahit 18:15

ꞌDooꞌdi ꞌhor bacchaara haaggiche, meeha ororiche toro iche kakamurrowe foga tolossata, bolokkhiche weyti kanaha. Icho la a uuwwichaane toro ooyaane,

Yaakoobo 5:3

ꞌDahabiin ichoow lahaagtiin kuuttu a gele, ibeenki enenyet lahukkumo ka la, kuuttuhaas a atin cheekta, toro iꞌdi ꞌdab u sartiin a yaham. Waha a ibeenneti ꞌdaꞌddaboote, atin la kamurroonkiin weyti meel gessatteen.

Hilassi Ergaano 8:22

Uskeela kasoonokho, Kamur waho. Kolossoo ꞌdee Kamur mala suujenye at uuraah kakhabto ikaakutaayi.

1 Timooti 6:9

ꞌDooꞌdi kamurrowin ꞌdoono, kajmeti uskeel kaluguꞌddo ichoow angey ichoow wahanyeyyohi ꞌdalame liimoono ichoow suujoone kadihaan. Waha la icho a jiitaane ichoowka suujaachaane bar tiraan.

Hilassi Ergaano 11:17

ꞌDeerka chirri Waakh siinti Rubeyti Munyeenye us goorat innohi Yeesso Kiriistohi Kamure rummeysanne inno siiche icho laka siiche, anihi Waakh tirrimo a ayyo?”

Hilassi Ergaano 10:45

ꞌDooꞌdi Yaꞌhuude Kiriisto rummeeste Beetero sooraahe la, Rubeyti Munyeenye yaafohi Yaꞌhuud ieheynan laka isooyagte weyti kagirmeeste.

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Hilassi Ergaano 1:18

Yuuda kalaꞌddi us jiti khollokkhan kaꞌhele ka gosoo soogatte. Gosaas goya on ka soodihe, uur desme, mindakharo tuumman sookhubteen.

Hilassi Ergaano 8:19

toro “Ani laka miigtaas isiicha, ꞌdee eti an dahan korcho tuumman Rubeyti Munyee a ꞌhelo,” iyidah.