Hilassi Ergaano 8:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Siimon laka awtiis u Yeesso rummeeste, inkoo labaattissiye ka Fiilif meel tuumman leeirte. Wahanyeyyohi miigti Waakh tuso ichoow wihi ittaawenye weeli enenyet yeelin iubaaꞌdane us arge kagirmeeste.

Hilassi Ergaano 8:13 Referans Kwoze

Hilassi Ergaano 19:11

Waakh la Baawulo ka, wihi ittaawenye weeli enenyet yeelin iubaaꞌdane injire liiargin yeele.

Yoohana 5:20

Iꞌdi tahe Aabbaheen Weeliis a ꞌdoona, wihi noole us awtiis u yeelo, a tusa. Wihi noole waha kussan a tusa, ꞌdee atin la kagirmeysattaan.

Hilassi Ergaano 13:44

Seeri Lanaso soomaro ka ꞌdooꞌdi ilkerengeettaas kajiro buurtiis yimiyye Yeedi Kamur dagansate.

Yoohana 7:21

Yeesso la wihi us icho iyidah, “Wohoo kaldaye weeli enenyet yeelin iubaaꞌdane yeele, atin tuumman la girmeysatteen.

Luuka 8:13

Ilmohi daddaab sarche kadihe a ꞌdooꞌdi chuꞌus Yeedi Waakh daage hamaadi buure ka khaatti. Iꞌdaasenyi hiiyyay icho khabaan mele. Geeddoo rucchul on yeeda rummeestaane iꞌdaasenyi chirri kajmeti uskeel kaluguꞌddo timiy dowwa on soodihaan.

Marko 16:17

ꞌDooꞌdi rummeesti wahanyeyyoha miigti Waakh tuso a yeela. Antohi magaheey ka ginna enenyet a kabahcha, afi us idaagin laka kayeyyeeda.

Hilassi Ergaano 8:21

At hileenyo ka meessoor rucchul laka ma khabto, a mehe uuraah Waakh ortiis ka ma fissanee.

Hilassi Ergaano 3:10

Chirri icho saggi us eti orran luhlo laaye, minki Waakhe buure ka Aritti Haaggan fiddiyo walah daaho iyahe argeen ka, wihi et kayitah weyti kagirmeesteene roorro gesse.

Mattaayo 3:6

Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.