Hilassi Ergaano 8:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ ꞌDooꞌdi ilkerengeeteet tuumman, ki wewween ichoow ki nunnugul laka yeediis a raaha, toro la mehe yadeehiin ya, “Eta a miigti Waakhe miigti buure layadeeh.”

Hilassi Ergaano 8:10 Referans Kwoze

Bakkaahit 13:3

Binaha matakkoo ka, jiissi omoot keento khabaane, iꞌdaasenyi jiissa omoot keento a samaatte. ꞌDooꞌdi harra kijiro tuumman la girmeeste binaha raahe.

2 Beetero 2:2

ꞌDooꞌdi buure la sohoꞌddarriti ꞌdooꞌda yeelo raaha, jiti rummaat igafa.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

2 Koriinto 11:19

Iꞌdi tahe atin weyti a kharayyo, ꞌdooꞌdi ꞌdalammee laka hamaad ka a igarrahsattaan.

1 Koriinto 1:24

Iꞌdaasenyi ꞌdooꞌdi Yaꞌhuud ichoow ki Yaꞌhuud ieheynane Waakh wahe ka, wora a koo Kiriistohi miigti Waakhenye toro la kharati Waakhe.

Hilassi Ergaano 28:6

ꞌDooꞌd la Baawulohi sooyombobo suge ommos omoote kasuge. Iꞌdaasenyi inkoo icho geeddi deer sugeene, saggi Baawulo wohoo ikiitaahan icho argeen ka toro maloo addan dowteen. Wihi icho yidaaheen a mehe ya, “Usu a waakkhoo.”

Hilassi Ergaano 14:11

Urur la chirri us wihi Baawulo yeele arge ka, afichoki Ikooniyo ka riire, “Waakkhassi ittaawe maalinka uummanki enenyete inno ikayimaateen” yidaaheen.