Hilassi Ergaano 7:59 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁹ Geedda Isiteefano dagah lakachibo layagiis, usu Waakh on wahta, wihi us essi, “Yeessohi Kamure, rubeyteey a kitimaate.”

Hilassi Ergaano 7:59 Referans Kwoze

Luuka 23:46

Yeesso la hooyi buure ka riire, wihi us yidah, “Aabba, rubeyteey dahantaahha soogessa!” Chuꞌus yeeda massiche ka massate.

Hilassi Ergaano 22:16

Toollaka mehe sugta? Tolosso a kibaattissiyo, uskeelaah a lakaadikho geeddi at magahi Kamur wahto.’

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

Hilassi Ergaano 9:14

Ulla antohi kuhaaniyyohi wewween siicheene us ebbaaw ati kiwahti us kakhabti leeyimiy.”

Hilassi Ergaano 2:21

Eti tuummane, magahi Kamur waho la a lariba.’ ”

Hilassi Ergaano 9:21

ꞌDooꞌdi usu daage tuumman la weyti girmeeste, “Eta ki goorat ilkerengeetti weene Yeerusaleem ka ꞌdooꞌdi magaha waho ꞌdabbaacho menya? Ulla intane yimiyye ꞌdee icho hida, khaata kuhaaniyyohi wewween igeecha menya?” worsateen.

2 Timooti 2:22

Tabe suujoonki tuummane eti nugul imoono kafirid. Hol dowe, jiroti fissan yowo, Waakh kakhuufe, ꞌdooꞌdi addan ꞌdoone, eti nebey dowo ateehe, ururi ꞌdooꞌdi uuri haaggan ka magahi Kamur waho goya kijir.