Hilassi Ergaano 7:51 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵¹ “Atin a matah miig mehe? Uurassiin ichoow dogtiin a iꞌdi wihi ꞌdooꞌdi Waakh ikakhuufin. Atin a iꞌdi aacchinyetiinna, kol dakkhan Rubeyti Munyeenye tirrintaan.

Hilassi Ergaano 7:51 Referans Kwoze

Efeesso 4:30

Rubeyti Munyeenye Waakh la akabolkhinna. Iꞌdi tahe Rubeyta Waakh a sumatti saggi atin ꞌdooꞌdi Waakh itahiine ichoowka ibeenki Waakh ribnaanki ꞌdaꞌddaboot atin ribo tusso.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Hilassi Ergaano 6:10

iꞌdaasenyi Isiteefano kharati Rubeyti Munyee siisse ka yeyyeede, eticho yeed ilaabin yabuuꞌd mele.

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

Rooma 2:25

Khandihi Yaꞌhuude atin khandiyattaan indigir a atin ikhaba chaꞌatin amurre Muusa raahtaan. Iꞌdaasenyi chaꞌatin amurre Muusa iraahin a iꞌdoo atin ikhandiineynan.

Hilassi Ergaano 7:39

“Iꞌdaasenyi aacchinyeteen Muusa a daagiwwaayte, usu ꞌdiiꞌdde uurassicho ka ili Miissiri iche inokhatti dowdowte.

Hilassi Ergaano 7:27

“Iꞌdaasenyi eti kootte ki addan gaameero Muusa ꞌdol itakhe, ‘Ayyo eti nah iween ichoow eti nah hukkumo kaayeele?’ iyidah.

Hilassi Ergaano 7:9

“Aacchinyeteentaas la walaalichoki Yuussuf layadeeh inaafte ili Miissiri iororisse, ilaas ka bowꞌda yitah. Iꞌdaasenyi Waakh Yuussuf a leejire,

Hilassi Ergaano 7:35

“Waha a Muusahi goorat icho ꞌdiiꞌdeene, icho, ‘Ayyo eti nah iween ichoow eti nah hukkumo kaayeele?’ idoween. Herti Waakhe geeyi gubti goyaka isoobahte ka, Waakh rubeytiis usu a ergate eti icho iween ichoow eti icho soofuro kayeele.