Hilassi Ergaano 7:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Muusahaase ꞌdooꞌd ili Miissiri kasoobahche. Usuhaas on guꞌh tomon affar tuummamba girmo ichoow wahanyeyyohi miigti Waakh tuso ili Miissiri ka ichoow Beyti Buurenye Guuꞌddan ka ichoow hidaad ka haaggiche.

Hilassi Ergaano 7:36 Referans Kwoze

Ibiraaniya 8:9

Ayyintaas la iꞌdi ti goorat an gooche mee. Maantaas an aacchinyeticho dahane sookhabde ꞌdee ili Miissiri kasoobahcha. Iꞌdi tahe icho ayyinteeytaas ma khucchinne, an la icho adah kakhabde, iche Kamur essa.

Hilassi Ergaano 13:18

Waakh geeddi guꞌh tomon affar icho hidaad ka a woywoye.

Hilassi Ergaano 7:42

Iꞌdaasenyi Waakh icho adah kakhabte ꞌdiiche, yiyyihimo Waakh kayeesseene, wahteen. Waha ichoow wihi buuggoo etoo Waákh íyeyyeedo chiire a israahaan. “ ‘Minki Issiraayeloow, soorriyoyyohi atin guꞌh tomon affar hidaad ka goorrahteen, ani igoorrahteen?

Yoohana 4:48

Yeesso la wihi us iyidah, “Atin sammata atin wahanyeyyohi miigti Waakh tuso ichoow girmo iargin ma irummeysattaan.”

Ibiraaniya 3:8

matah amiigeysanna iꞌdi aacchinyetiin u. Iche la goorat a idaagiwwaayte. Maanti iche hidaad goya kajirte iche ani ikajje.

Ibiraaniya 3:9

Chirri aacchinyetiin wihi an guꞌh tomon affar iyeele agarte laka, usu an rum ahe a ikajje, toro sinayyohi ikajo ikeente.