Hilassi Ergaano 7:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ “Waha a Muusahi goorat icho ꞌdiiꞌdeene, icho, ‘Ayyo eti nah iween ichoow eti nah hukkumo kaayeele?’ idoween. Herti Waakhe geeyi gubti goyaka isoobahte ka, Waakh rubeytiis usu a ergate eti icho iween ichoow eti icho soofuro kayeele.

Hilassi Ergaano 7:35 Referans Kwoze

Luuka 19:14

“Iꞌdaasenyi ꞌdooꞌdi ilaas weyti eta ꞌdiiꞌde. Inkoo us irte ka ꞌdooꞌdoo ergeene, ‘Eta usuhi karnateenyo lakayeelo ma ꞌdoonno’ yidaaheen.

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Ibiraaniya 2:2

A mehe farniinki goorat Waakh herti Waakh fare a larummaache. Eti tuummane iraahine ommos daagiwwaaye la, sina loomhiche.

Kolossaay 1:15

Kiriisto a fooli Waakkhi liiargin, a huraati wihi lasoouume tuumman iween.

Hilassi Ergaano 7:51

“Atin a matah miig mehe? Uurassiin ichoow dogtiin a iꞌdi wihi ꞌdooꞌdi Waakh ikakhuufin. Atin a iꞌdi aacchinyetiinna, kol dakkhan Rubeyti Munyeenye tirrintaan.

Hilassi Ergaano 7:30

“Inkoo guꞌh tomon affare kutte ka, herti Waakh Muusa hidaaddi Hali Sinnaay ka isoobahte. Saggi iche ikasoobahte la a geeyi ꞌdab kabolkho toro ꞌdab iumhan.

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Hilassi Ergaano 3:22

Iꞌdi tahe Muusa mehe yidah ya, ‘Kamuri Waakkhiine etoo yaaftiinenye iꞌdeey u Waákh íyeyyeedo a atin isooerga. Atin la taba wihi us atin idowo tuumman nabah isuda.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Yoohana 19:15

Iꞌdaasenyi riireene, “Agiis, agiis! Massalaaba kakaah,” yidaaheen. Bilaato toro wihi us worsate, “Anihi karnatiin massalaaba kakaaho ꞌdoontaan?” Kuhaaniyyohi wewween wihi icho ilaabeen, “Kaaysar on menye, karnat addane nah khabno mele.”

Yoohana 18:40

Icho la riireene, “Mele, usu mee! Barraba nah sii!” yidaaheen. Barraba la goorat ꞌdooꞌdoo sirgaal ꞌdiiꞌdo goya kijire.

Marko 12:26

Atin wori ꞌdooꞌdi tuume omoot lakasookahcho miinsan ma soomin a? Rumanka buuggi Muusa chiire ka wori geeyi hidaad goyaka bolkho a agarteen. Wihi Waakh iyidah, ‘Ani a Waakh Aburaaham, a Waakh Isakh, a Waakh Yaakoobo.’