Hilassi Ergaano 7:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Muusa kol ꞌdooꞌdiis saggi Waakh usú isooerge, usu icho iribo ikaso koogyahe, iꞌdaasenyi icho ma kasin.

Hilassi Ergaano 7:25 Referans Kwoze

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Rooma 15:18

Wihi Kiriisto ikahaagsate on menye, walah addane an kaayyeedo mele. Iꞌda ka yeedeey ichoow jiroteey ka ꞌdooꞌdi yaafohi Yaꞌhuud ieheynan a woya ayti Waakh raahaan.

Hilassi Ergaano 21:19

Baawulo la icho bariitiche toro wihi tuummane Waakh yaafohi Yaꞌhuud ieheynan hiliis ka iyeele ꞌdooꞌd tuum idowdowe.

Hilassi Ergaano 15:7

Inkoo icho geeddi deer hawwoocheen ka, Beetero tolossate, wihi us iyidah, “ꞌDooꞌd Kiriistokaaw, atin saggi goorat goytiin ka Waakh isoobahsate, yaafohi Yaꞌhuud ieheynan ani Wori Haaggan ikadaagaane ꞌdee icho Kiriisto irummeestaan a garattaan.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Luuka 18:34

Abatti la waha dakkhan kichokoo kalday laka ma garan. Iꞌdi tahe wihi yeeda miinsanyahe icho a lakadagche, icho la wihi us kaayyeedo tuumman foolicho ma khabaan.

Luuka 9:45

Iꞌdaasenyi waha wihicho ma aban. Iꞌdi tahe icho waha a lakadagche, uus ꞌdee icho wihi icho yahiin garanne. Icho la usu worsan karooreen.

Marko 9:32

Iꞌdaasenyi wihi us idowo ma abanne, toro usu worsan karooreen.

1 Koriinto 3:9

Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.

Hilassi Ergaano 7:24

Etoo Miissiri koo Issiraayel il itakho arge, ꞌdeerka ki Issiraayel igele, aal gutte ki Miissiri yigis.

Hilassi Ergaano 7:26

Ibeenki kaas sooraaho ka, Muusa reeroo lammeenye Issiraayele isjaho arge, isineybin leheete, ‘Era, atin a walaal, a iꞌdoh isgaameerin iꞌdoontaan?’ iyidah.