Hilassi Ergaano 6:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 6:9 Referans Kwoze

Hilassi Ergaano 23:34

Gaafana khadaab soome, Baawulo boroofenhi us kayimiy worsate. Chirri us saggi us inti Kiliikiya layadeeh ikayimiy abte ka,

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Mattaayo 27:32

Chirra icho bahaan ka, etoo ilkerengeetti Kureene magahiis Siimon layadeeh ꞌheleene, massalaaba Yeesso sinnaan ihosseen.

Galaatiya 1:21

Saahka boroofenhi Siiriya ichoow boroofenhi Kiliikiya irde.

Hilassi Ergaano 21:27

Geeddi ibeen teeba kasoomassatti ka, ꞌdooꞌdoo Yaꞌhuude boroofenhi Aassiya kayimiy Baawulo minki Waakhe buure goyaka arge. Urur tuumman sootukkicheene Baawulo khabteene,

Hilassi Ergaano 19:10

Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.

Hilassi Ergaano 18:24

Etoo Yaꞌhuudenye ili Alekisaandariya kadesse Aboollo layadeeh la ilkerengeetti Efeesso yimiy. Ulla a etoo af ka miigenye weyti Chiirnaanneti Waakh laka garti.

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

Mattaayo 10:17

ꞌDooꞌda yuubsada, jaldaabohi Yaꞌhuude atin igeechaane, minassichoki weysiit ka atin jahaan.

1 Koriinto 1:20

ꞌDeerka ꞌdooꞌdi kharayyee meeke? Tagaammeti amurre meete? ꞌDooꞌdi weyti yeyyeed garti meeke? Ma jiraan! Waakh kharati ꞌdooꞌdi harrata ꞌdalam ma kayeelin a?

Hilassi Ergaano 26:11

Geeddi buure an kolba minkoo weysiite Yaꞌhuude kabaha koo gela ꞌdee icho jaha toro Yeessohi icho igafaan iholin leheet. Jeenteti an icho weyti iꞌdiiꞌduu, ilkerengeetohi ili yeelan kijiro laka irde, ꞌdee icho sina omhicha.”

Hilassi Ergaano 22:19

“Wihi an ilaabe, ‘Kamur, ꞌdooꞌda saggi goorat an kolba minkoo weysiite Yaꞌhuud iirde, ꞌdee ꞌdooꞌdi kirummeesti jeela igesso toro ijaho, a garta.

Hilassi Ergaano 21:39

Baawulo wihi us ilaabe, “An a Yaꞌhuude, ilkerengeetti Taarso ili Kiliikiya kijirto liikadele. An a eti ilkerengeetti weyti khumman. A kihawwaasdee, alley bal ꞌdooꞌd a leeyyeedo.”

Hilassi Ergaano 19:26

Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche.

Hilassi Ergaano 13:45

Chirri ꞌdooꞌdi Yaꞌhuud ururi buure arge ka, inaaf buuhiche, wihi Baawulo essi abaareen.

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Mattaayo 23:34

Maantaka, ꞌdooꞌdi Waákh íyeyyeedo a atin isooerga, ꞌdooꞌdi kharayyee ichoow ꞌdooꞌdi jiti Waakh enenyet abcho a atin isooerga. Atin la gaasichekoo a tagiisiine, gaasoo laka massalaaba kakaahtaane, gaasoo laka minassiinki weysiite Yaꞌhuud ka jahtaane, gaasoo laka kolba ilkerengeettoo ka sina omhissaan.

Hilassi Ergaano 6:10

iꞌdaasenyi Isiteefano kharati Rubeyti Munyee siisse ka yeyyeede, eticho yeed ilaabin yabuuꞌd mele.

Hilassi Ergaano 24:18

Chirra icho anihi wahaas yeelo uranti minki Waakhe buure ka iꞌheleen, an Daawti Dikhaaleet a massiche. Urur ileejire mele, walah uskulaate la mele.