Hilassi Ergaano 6:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Hilassi Ergaano 6:7 Referans Kwoze

Hilassi Ergaano 19:20

Iꞌdaas ka la, ꞌdooꞌdi buurenye Yeedi Kamur daage, toro raahe.

Hilassi Ergaano 12:24

Iꞌdaasenyi Yeedi Waakh orey on isohte, ꞌdooꞌdi ittaawe la Yeesso rummeeste.

Kolossaay 1:6

Wora Haaggan a atin iyimiyye, ꞌdooꞌdi ittaawenye harra tuumman laka a kataaꞌha toro gurnaan dela. Waha la a wihi goytiin ka laka yitah, uus maanti kolooraat atin Wora rummaat daagteene, toro haaggi Waakhe buure runtiis tuum abatteen.

Ibiraaniya 5:9

Inkoo tuum lakayeele ka, eti jirtuu tuumman ꞌdooꞌdi usú raaho ribo yitah.

Rooma 16:26

Iꞌdaasenyi runta dagsan toolla weyti lasoobabbakkaahiche. Runtaas la Chiirnaanneti Waakhe ꞌdooꞌdi Waákh íyeyyeedo ka a lacheeke. Waha la saggi Waakkhi jirtuu tuumman jiro iꞌdoono inno isoocheeke, iche liiyeele. Amuri us inno ibahche la a mehe ya, nyaama runtaas yaafohi harra tuumman abcha, ꞌdee Kiriisto a kakhuufeene, toro la a raaheen.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Ibiraaniya 11:8

Aburaaham la kakhuufnaanki us Waakh kakhuufe on ka, iche maanti Waakh iloo berri alaal ka siicho irte. Ulla chirri us ili us isohti igaran laka, ayti Waakh a raahe iliis kaguure.

2 Timooti 2:9

Jeenteti an icheekuu la sina a ikawaarta, iꞌdi eti wohoo uskul yeeluu a hidanahe. Iꞌdaasenyi Yeedi Waakh ma hidan.

2 'Dessaloonika 1:8

Ulla eti tuummane Waakh igaranne toro la Wori Haaggane Yeessohi Kamureene miinsan daagin ꞌdiiꞌde, sirbi gessa.

Hilassi Ergaano 21:20

Inkoo icho waha daageen ka, Waakh saaꞌdeen. ꞌDeerka wihi icho Baawulo iyidaaheen, “Baawulohaanyaaw, yaafteenti Yaꞌhuude Yeesso rummeysatte saggi iche aliffe igoosso yey. Icho tuumman la weyti amurre Muusa isibahcheen.

Hilassi Ergaano 13:8

Iꞌdaasenyi Eelimaashi moree icho tirrime. Eta magahiis moro miinsanyahe. Usu etaas ween kakhuufnaanki us Yeesso kakhuufo kalaabine ꞌdoone.

Yoohana 12:42

Chirraas weynaanti Yaꞌhuud buurche laka usu a rummeysatte. Iꞌdaasenyi jeenteti iche Farissaayo ikaroortuu, saggi iche Yeesso ikakhuufte ma cheekin, minki weysiite Yaꞌhuude lakabahcho iche karoortaa.

Luuka 2:34

Siimiyon ꞌdeerka icho iweeste, Maariyati abarti weele la wihi us iyidah, “Weela Waakhe soobahsate, ꞌdee ꞌdooꞌdi Issiraayel gaasoo riba gaasoo la bar tira. Ulla miigti Waakhe enenyet tusa, iꞌdaasenyi ꞌdooꞌdi buure usu a tirrima.

Mattaayo 19:30

Iꞌdaasenyi ꞌdooꞌdi ittaawenye oraate ki ꞌduboot yateehe, ki ꞌduboot la ki oraat yateeh.”

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 6:1

Saahka maanti tiri abatti Kiriisto kasookhayme ka, ꞌdooꞌdi Yaꞌhuude afi Giriig daago yaafohi Yaꞌhuude afi Ibiraaniya daago leeiriire. Wihi tahe muunkhoyyohicho gololi maan dakkhan enenyet lagiso ma ꞌhelaan.

Galaatiya 1:23

Iꞌdaasenyi wihi kaldaye leessi icho daddaagaan a mehe ya, “Eti goorat sina inno omhicho, Wori Haaggane us goorat baabiin ꞌdoono, iche toolla cheeka.”

Galaatiya 6:10

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.

Yuuda 1:20

Iꞌdaasenyi atinhi aalasseeyki an weyti ꞌdoonee, taba kakhuufnaanki weyti lagane atin Kiriisto kakhuuftaan ka ismiigoocha. Chaꞌatin Waakh wahattaan la Rubeyti Munyee a atin woyto.