Hilassi Ergaano 6:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Usuhi, ‘Yeessoha ilkerengeetti Naasaret a yamiite, minka Waakh jejjebcha, hugumme Muusa la urgiyicha,’ essi a daagne.”

Hilassi Ergaano 6:14 Referans Kwoze

Hilassi Ergaano 21:21

ꞌDooꞌda wihi at ꞌdooꞌdi Yaꞌhuude yaafohi Yaꞌhuud ieheynan goya yaal tuumman abisso ꞌdee icho amurre Muusa ꞌdiichaane, nyaakhuticho laka ikhandiyine, hugummeti Yaꞌhuud iraahin a liicheeke.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Galaatiya 3:23

Geeddi goorat wori Yeesso lakakhuufo iimaatan la, amurre Muusa a inno hidde, toro inno toorribte, ichoowka wori Kiriistohi lakakhuufo lasoobabbakkaahiche.

Galaatiya 3:19

Amurre Muusa ꞌdeerka mehe liisoobahcheey? Jeenteti Waakh liidaagiwwaaye iche lakasookhaye ichoowka weel nyaakhut nyaakhut Aburaaham ki goorat Waakh ayyintaas ka yeele yimiy. Waakh herti Waakh ka amurretaas a chuukhe. Muusa la Waakh ichoow ꞌdooꞌdi Yaꞌhuud dahcho gele, ꞌdooꞌdaas amurre ikeene.

Hilassi Ergaano 28:17

Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Yoohana 4:21

Yeesso wihi us makhaabál iyidah, “Makhaabassa, wihi an kidowo rummeyso. Ibeen a yamiit ki enenyet hala ommos ilkerengeetti weene Yeerusaleem Aabbaheey ikawahanne, meelbaaw us kijiro on ka wahti.

Luuka 21:6

“Waha atin inta ka agartaan la, berri daddaabtoo kaldaye ti addan fuusso lakatabo ma jirto, icho tuumman a lasookhuba.”

Hilassi Ergaano 26:3

Kach ka la, a jeenteti ati hugummeti Yaꞌhuud ichoow wihi icho worsataan tuumman igaratti. Toollaka a kihawwaasde samacchaar on idaganso.”

Hilassi Ergaano 25:8

Baawulo la isiyeyyeede, “An uskeel amurreti Yaꞌhuud ommos minki Waakhe buure ommos Kaaysarhi Rooma iween miinsane an yeele mele,” yidah.

Luuka 21:24

ꞌDooꞌd gaasoo birlabbe lakabakkicha, gaasoo laka lakhabta harra tuumman liibooliya. Ilkerengeetti weene Yeerusaleem la ꞌdooꞌdi Waakh igaran yabta, uskulaacha ichoowka ibeenneti ꞌdooꞌdi Waakh igaran labuuhicha.

Marko 14:58

“‘Minka Waakhe buurenye dahanohi enenyet diseen a jejjebcha koo addane enenyet idisin ibeen seyyah goyaka disa,’ usuhi essi a daagne.”

Mattaayo 26:61

wihi icho yidaaheen, “Reenka mehe yidah ya, ‘An minki Waakhe buurenye an jejjebcho, toro maan seyyah goyaka diso a abuuꞌd.’ ”

Yoohana 2:19

Yeesso wihi us icho ilaabe, “Minka Waakhe buure jejjebcha, anna ibeen seyyah goyaka toro a disaa.”