Hilassi Ergaano 6:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ iꞌdaasenyi Isiteefano kharati Rubeyti Munyee siisse ka yeyyeede, eticho yeed ilaabin yabuuꞌd mele.

Hilassi Ergaano 6:10 Referans Kwoze

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

1 Koriinto 2:4

Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse,

Yoohana 7:46

Iskare la wihi iche tidah, “Et injire saggi eta iyeyyeedo nah daagne mele.”

Luuka 1:17

Ulla miig ichoow rubeyti eti goorat Waákh íyeyyeedo Eliiya layadeeh khabe iche khaba, Kamúr ortiis sohta. Ulla ooyenye ichoow nyaakhutichooda isineybicha, ꞌdooꞌdi yeed idaagin kharati ꞌdooꞌdi fiffissan ilaaba, ꞌdee ꞌdooꞌd emeetti Kamur itannabicha.”

Hilassi Ergaano 7:51

“Atin a matah miig mehe? Uurassiin ichoow dogtiin a iꞌdi wihi ꞌdooꞌdi Waakh ikakhuufin. Atin a iꞌdi aacchinyetiinna, kol dakkhan Rubeyti Munyeenye tirrintaan.

Hilassi Ergaano 5:39

Iꞌdaasenyi chiꞌ yeedicho Waakh kiyimiy, reera koloo kalday laka jeyin ma tabuuꞌdiine, atinhi Waakh rubeytiis ꞌdiiꞌddaan on isagartaan.”

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 6:11

ꞌDeerka dagsi ka ꞌdooꞌdoo chasteene, icho la wihi icho yidaaheen, “Nah usuhi Muusa ichoow Waákh igafe a daagne.”