Hilassi Ergaano 5:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.

Hilassi Ergaano 5:42 Referans Kwoze

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Hilassi Ergaano 20:20

Maanti an ꞌdow ka ichoow minassiin ka Yeedi Waakh atin icheeke, wihi indigir atin ikhabo tuumman uureey tuumman ka a atin abche. Iꞌdaasenyi saggi an kolba minkoo igele an Yeedi Waakh atin iabche a garattaan.

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

Hilassi Ergaano 8:35

Fiilif ꞌdeerka chiirnaankaas Chiirnaanneti Waakh on kasookhabte, Wori Haaggane Yeesso miinsan icheeke.

Luuka 21:37

Yeesso maalim dakkhan minki Waakhe buure ka ꞌdooꞌd wori Waakh abche, geleb dakkhan la irte Hali Geeyohi Oolif barye.

Hilassi Ergaano 17:3

wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Hilassi Ergaano 4:29

Maantaka, Kamuraanyaaw waha ꞌdooꞌda nah idowo daage falfayyohaah uur miigooche yeedaah roorro laan a cheekeen.

Galaatiya 6:14

Ani ka la, omootti Yeesso Kiriistohi Kamureene massalaaba kayumuy on menye, wohoo addane an keeylajo ma jiraan. Massalaaba Kiriisto ka, wahanyeyyohi harrata a kamassade toro la wahanyeyyohi harrata ma idakhtaan.

1 Koriinto 2:2

Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin.

Hilassi Ergaano 17:18

ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo.

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Hilassi Ergaano 8:5

Fiilif a khubte ilkerengeetti weene ili Saamariya irte wori Ki Lasubhe miinsan intaas ka cheeke.

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

Luuka 22:53

Maan tuumman ani uranti minki Waakhe buure ka a atin leejire, atin la ma ikhaban. Iꞌdaasenyi waha a sahaꞌddiinna, a sahaꞌddi Seytaanki karnati mugꞌdee atin anti.”

Hilassi Ergaano 13:32

“Nah Wori Haaggane atin icheekna. Wora la a ki Waakh aacchinyeteen iayyiche,

Galaatiya 1:16

eti Weeliis yahe isoobabbakkaahiche. Iꞌdane yeele ꞌdee anna Wori Haaggane Yeesso miinsan, yaafohi Yaꞌhuud ieheynan icheeka. Maanti wahaas iyitaaheen, weeli enenyete wihi an yeelo worsade ma jirin.