Hilassi Ergaano 5:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Iꞌdaasenyi chiꞌ yeedicho Waakh kiyimiy, reera koloo kalday laka jeyin ma tabuuꞌdiine, atinhi Waakh rubeytiis ꞌdiiꞌddaan on isagartaan.”

Hilassi Ergaano 5:39 Referans Kwoze

Mattaayo 16:18

Wihi an kiadeeh la at a Beetero, iꞌdi minki daddaab sartiis lakadisuu, daddaabta sarcheeda urureey tuumman kadisa. Miigti omooteet la ma kahataatto.

Hilassi Ergaano 7:51

“Atin a matah miig mehe? Uurassiin ichoow dogtiin a iꞌdi wihi ꞌdooꞌdi Waakh ikakhuufin. Atin a iꞌdi aacchinyetiinna, kol dakkhan Rubeyti Munyeenye tirrintaan.

1 Koriinto 1:25

Iꞌdi tahe wihi ꞌdalanki Waakh lakoog, kharati weeli enenyet a kussantahe, toro la wihi ꞌdarriti Waakh lakoog, miigti weeli enenyet a kussantahe.

Hilassi Ergaano 11:17

ꞌDeerka chirri Waakh siinti Rubeyti Munyeenye us goorat innohi Yeesso Kiriistohi Kamure rummeysanne inno siiche icho laka siiche, anihi Waakh tirrimo a ayyo?”

Hilassi Ergaano 9:5

Saawulo la wihi us worsate, “Kamur, at a ayyo?” Kamur wihi us ilaabe, “An a Yeessohi at sina omhisso.

Hilassi Ergaano 6:10

iꞌdaasenyi Isiteefano kharati Rubeyti Munyee siisse ka yeyyeede, eticho yeed ilaabin yabuuꞌd mele.

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

Hilassi Ergaano 23:9

Riirit weyti buuraate ichoowka tagaammetoo amurre Muusa Farissaayee kahte, “Eta suujoon nah kaagarro mele,” tidah. “Eemba hertoo Waakhe leeyeedde, ommos wahanyeyyohoo Waakhe jiro khabo liiargine usu leeyeedde?”

1 Koriinto 10:22

Kamure inaaf gelin ꞌdoonna? Kol inno Kamur kamiignahe koogtahiin?