Hilassi Ergaano 5:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.

Hilassi Ergaano 5:34 Referans Kwoze

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Luuka 2:46

Ibeenki seyyahnaatteet inkoo icho Yeerusaleem kakaheen ka, Yeessohi uranti minki Waakhe buure ka ꞌdooꞌdi Yeedi Waakh ꞌdooꞌd abcho goycho fiddiyo, wihi icho essaan dagansati toro walah wowworsati ꞌheleen.

Luuka 5:17

Maantooka Yeesso Yeedi Waakhe ꞌdooꞌd abcha, Farissaayotoo ichoow tagaammeti amurre la intaase fiddiyaan. ꞌDooꞌda la goobassi Gaalilaaya ichoow Yaꞌhuudiya ichoow ilkerengeetti weene Yeerusaleeme kayimaateen. Kamur la Yeesso miigti us ꞌdooꞌdi khakkhannan kasamaacho a siiche.

Hilassi Ergaano 4:15

ꞌDeerka Beetero illeh amur liibahche inti Jaldaabti Weene Yaꞌhuud katossatti kabahte, hawwoosse.

Yoohana 3:10

Yeesso la wihi us ilaabe, “At a etoo ꞌdooꞌdi Issiraayel Yeedi Waakh abcho, toro la wahanyeyyoha ma abanna?

Hilassi Ergaano 5:21

Ergaano la yeedaas liiyidah raahte, baryo ka, minki Waakhe buure gesse iꞌdi liiyidah u enenyet walah abisse. Kuhaanihi weyti ween ichoow ꞌdooꞌdiis ba Jaldaabti Weene Yaꞌhuud tuummamba tol iwaheen, iskar ergeene ergaano jeela ka a lasookhaato yidaaheen.

Hilassi Ergaano 5:27

Ergaano sookhaatte Jaldaabti Weene Yaꞌhuud ortiis keente, ꞌdee kuhaanihi weyti ween ergaano waha a iyidaahe.

Hilassi Ergaano 5:35

ꞌDeerka wihi us jaldaab iyidah, “Mejeli Issiraayeloow, ꞌdooꞌda wihi atin sooyeessaan mujjum kamalda.