Hilassi Ergaano 5:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Jaldaabe la chiꞌiche wahaas daagte ka, weyti hollowte, ergaano ogoos ꞌdoonte.

Hilassi Ergaano 5:33 Referans Kwoze

Hilassi Ergaano 7:54

Jaldaabe chirri iche waha daagte ka weyti hollowte, ichoowka indo gugguꞌduutteen.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Mattaayo 24:9

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u.

Mattaayo 10:25

Abatti etiiski walah abcho ibaha, ilbooy la kamuriissa ibaha. Chirri ooyohi min leh ba, Beelsebuul lakawaho, ꞌdooꞌdi minkiis la geeddoo meheenye magahenyeti ꞌdaꞌddaran kawahaan?

Mattaayo 10:21

“Etoo walaaliissa ꞌdub goocha, dahanohi nahab gessa ꞌdee layagiis. Ooyo laka weeliis iꞌdaas yeela. Nyaakhut ꞌdooꞌdi dele yeedicho ꞌdiiꞌda, dahanohi ꞌdooꞌdoo addan gessaane ꞌdee layagiis.

Hilassi Ergaano 22:22

ꞌDooꞌd Baawulo dagansate ichoowka yeedaas yaafohi Yaꞌhuud ieheynan miinsan yidah. ꞌDeerka enenyet weyti riire, “Eta harrata kabahcha! Agiisa, jiro ma iroone!” yidaaheen.

Hilassi Ergaano 9:23

Inkoo ibeennetoo kutte ka, ꞌdooꞌdi Yaꞌhuud Saawulo ogoos gooche.

Yoohana 15:20

Wihi an atin iidah kasooꞌhela, ‘Falfá kamuriche kaween mele.’ Chirri ꞌdooꞌdi harrata ani sina iomhicho, atin laka sina a atin omhichaan. Chirri icho wihi an abche raaheen la, wihiin laka a raahaan.

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

Luuka 6:11

Iꞌdaasenyi sirgoweene, iꞌdi icho Yeesso yadeehiin isworsan sookhabteen.

Mattaayo 1:19

Jeenteti Yuussufhi Maariya soodisti etoo fissan ieheet u, usuhi Maariya ꞌdooꞌd ortiis ka lakhaanyo kadowo ma ꞌdoono, Maariya dagsi ka katabin gooche.