Hilassi Ergaano 5:31 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³¹ Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Hilassi Ergaano 5:31 Referans Kwoze

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Hilassi Ergaano 2:33

A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.

Hilassi Ergaano 11:18

Chirri icho waha daageen ka wihi Beetero yeele ꞌdiiꞌdin katabeene Waakh saaꞌdeen. Wihi icho yidaaheen, “Kola ꞌdeerka Waakh yaafohi Yaꞌhuud ieheynan laka uskeel a kasoolaabe, ꞌdee jiro ꞌhelaan.”

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

Ibiraaniya 2:10

Waakhe walah tuumman soouume, toro la jeentetiissa walah tuumman liihaaggiche. Waakh a eysiiche maanti us Yeesso massalaaba ka sinayyohi lakawaariche ka eti tuume kayeele, ꞌdee nyaakhuti ittaawe goobi Waakh keena. A mehe Yeesso enenyet jiti ribnaan lakeelo tusa.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Hilassi Ergaano 3:15

Atin ki jiro kasoouummanto a tigaaseene, iꞌdaasenyi Waakh omoot a kasookahche. Nah la gartaas a laabna.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Yuuda 1:25

Toro la Yeesso Kiriistohi Kamureene ka, Waakkheenki kaldaye ꞌDoorribeheene koolo ichoow kussi ichoow miig ichoow anto ba wihiissa on a yitaaheen geeddi harra liisoouumin ichoow toolla ichoow jirtuu tuummamba. Aamiin.

2 Beetero 1:11

Iꞌda ka goobi Waakhe jirtuu imassanne Yeesso Kiriistohi Kamureenenye ꞌDoorribeheene dakhti ka weyti atin lasoodowwaacha.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Mattaayo 1:21

Iche la inankoo dessa, magahi at ibihisso la a Yeesso. A mehe us ꞌdooꞌdiissa uskeelicho karibaa.”

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

1 Beetero 3:22

Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

Kolossaay 1:14

Weeliis diiggiis ka a inno gatte inno soofure, uskeeleen tuumman inno ikakute.

Fiiliffi 3:20

Iꞌdaasenyi inno a ꞌdooꞌdi goobi Waakh. Toro la weyti ꞌDoorribehoo sugna, ulla a Yeesso Kiriistohi Kamureenenye goobaas kayamiit.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

2 Koriinto 2:10

Chaꞌatin etoo uskeel ikakutteen, an laka a ikakute. A mehe wihi an ikakute, chiꞌ rumanka wohoo lakakuto jireen a iroonotiinna, an Kiriisto ortiis ka wahaas a ikakute.

Hilassi Ergaano 13:23

“Waakh la hiiy Dawuud ka, iꞌdi goorat us iayyichuu, Yeesso ꞌDoorribehi yaafohi Issiraayel kayeele.

Hilassi Ergaano 4:11

Yeessoha, “ ‘A daakki atinhi minan dissaan ꞌdiiꞌddeene, usu tirrinki dagaheet min tiiro yitah.’

Hilassi Ergaano 3:26

Maanti Waakh falfatiis sooerge, kolooraat atine atin isooerge, ꞌdee ebba jitiiski suuje kasoolaaba. Waakh saggaase atin ikamaale.”

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Marko 4:12

ꞌdeerka, “ ‘Walah a yeyaane, yeyaane, iꞌdaasenyi jirtuu ma gelaan. Toro la a dagansataane, dagansataane, iꞌdaasenyi jirtuu ma abtaan. Chiꞌiche iꞌdaas ieheynan, uskeelicho a kasoonokhanne, Waakh la uskeelicho ikakuta.’”

Marko 2:10

Iꞌdaasenyi saggi Ínam Aadam antohi us harrata ka enenyet uskeel ikakuto ikhabo a abattaan.” Wihi us eti sare hanjaawte iyidah,

2 Beetero 3:18

Iꞌdaasenyi haaggi Waakhe buure ichoow abanti atin Yeesso Kiriistohi Kamureenenye ꞌDoorribeheene abattaan ka weynaada. Toolla ichoow jirtuu tuummamba us ba koolo ꞌhela! Aamiin.

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Tiito 2:10

Toro la bowꞌdayyo iicho kamurreticho hatin. Iꞌdaasenyi ꞌdooꞌdi tuum lakakhuufo a eheetti. Iꞌda ka walahbaaw icho yeelaan ka, yeedi wori rummaate Waakkhi ꞌDoorribeheene kayamiit saaꞌdo ikeenaan.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”