Hilassi Ergaano 5:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Ergaano sookhaatte Jaldaabti Weene Yaꞌhuud ortiis keente, ꞌdee kuhaanihi weyti ween ergaano waha a iyidaahe.

Hilassi Ergaano 5:27 Referans Kwoze

Mattaayo 5:22

Iꞌdaasenyi wihi an atin iadeeh, eti tuummane etoo keeye ihollowe, a lahukkuma. Toro la eti tuummane etoo keeye abaare Jaldaabti Weene Yaꞌhuude liikeena, hukkunta. Iꞌdaasenyi eti tuummane etoo addan, ‘ꞌDalanki marah,’ iyidah, a geeddi meessi ꞌdabi armaanjireen lakalugꞌdo.

Hilassi Ergaano 22:30

Eti iskar tuumman itoollo wihi rumanka ꞌdooꞌdi Yaꞌhuud Baawulo kacheekti iche aban ꞌdoona, ibeenki kaas sooraaho ka Baawulo fure, amur bahche kuhaaniyyohi wewween ichoow Jaldaabti Weene Yaꞌhuud tuumman ba tol iwahe. ꞌDeerka Baawulo sookhaate, orcho toolliche.

Hilassi Ergaano 6:12

ꞌDeerka ꞌdooꞌd ichoow ewweenki Yaꞌhuud ichoow tagaammeti amurre sootukkicheen. Isiteefano khabteene, khaateene Jaldaabti Weene Yaꞌhuud igeecheen.

Hilassi Ergaano 4:7

Beetero ichoow Yoohana orcho a lakeeno yidaaheene, ꞌdeerka waha wowworsateen, “Miig eyya ommos antohi magah eyya waha kayeesseen?”

Luuka 22:66

Uun il barye ka, Jaldaabti Weene Yaꞌhuude kuhaaniyyohi wewween ichoow tagaammeti amurre kijiraan ba kulmeene, Yeesso la orcho lakeene.

Hilassi Ergaano 5:21

Ergaano la yeedaas liiyidah raahte, baryo ka, minki Waakhe buure gesse iꞌdi liiyidah u enenyet walah abisse. Kuhaanihi weyti ween ichoow ꞌdooꞌdiis ba Jaldaabti Weene Yaꞌhuud tuummamba tol iwaheen, iskar ergeene ergaano jeela ka a lasookhaato yidaaheen.

Hilassi Ergaano 5:34

Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.