Hilassi Ergaano 5:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Eti iskarti minki Waakhe buure yaakhisso iween ichoow kuhaaniyyohi wewween chiꞌicho wora daageen ka wihi nool isworsateene, wihi soobaho kamalaleen.

Hilassi Ergaano 5:24 Referans Kwoze

Hilassi Ergaano 5:26

Eti iskarti minki Waakhe buure yaakhisso iween, iskartoo khabaayi bahe ergaano toro sookhabte. Iskartaas la ergaano ma tottoganne, afi haaggan on ka soobihisse. Wihi iche karoorte la a ꞌdooꞌdi ꞌdee dagah kachibo yagiis.

Hilassi Ergaano 4:1

Beetero ichoow Yoohana enenyet leeyyeedaani, kuhaaniyyo ichoow Sadukaayo ichoow eti iskarti minki Waakhe buure yaakhisso iween, yimaateen.

Hilassi Ergaano 4:21

Jaldaabe weyti yeedi kootteet katirriinsatte tootoosse ꞌdeerka sooꞌdiisse. Sinati icho ergaano igoochaan waayeen, a mehe enenyet tuumman jeenteti wihi yitah u Waakhe koolicha.

Hilassi Ergaano 2:12

Iche tuumman girmeysatte il fooliis waayte, “Iche waha a mehe?” isworsatte.

Yoohana 12:19

Farissaayo ꞌdeerka wihi iche isitidah, “Ma agartaan a, wihi inno yeelin leheet ma yeelloo! ꞌDooꞌd tuumman usu raaha!”

Luuka 22:52

Yeesso kuhaaniyyohi wewween ichoow ꞌdooꞌdi ꞌdooꞌdi minki Waakhe buure yaakhicho itoollo ichoow ewweenki Yaꞌhuude usu iyimiy wihi us iyidah, “Chaꞌatin khokkhoomme ichoow birlabbe leetimaateene, ikhabattaan, an a etoo enenyet walah saro?

Luuka 22:4

Yuuda la kuhaaniyyohi wewween ichoow ꞌdooꞌdi iskarti minki Waakhe buure yaakhisso itoollo iirte, saggi us Yeesso ꞌdub igoocho kaleehawwooche.

Hilassi Ergaano 5:23

“Chiꞌ nah jeela iranni, iskarti afaf yaakhisso a tolossa one, min la afaf mujjum on hidanyihiin. Iꞌdaasenyi chiꞌ nah furro, nah goya gello, weeli enenyet min goya ma kijiro!”

Hilassi Ergaano 5:25

Chirraas on etoo la yimiyye iiyeyye, “Reeri chele atin jeela gelisseen minki Waakhe buurenye goya kijira, enenyet walah abcha.”