Hilassi Ergaano 5:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Ergaano la yeedaas liiyidah raahte, baryo ka, minki Waakhe buure gesse iꞌdi liiyidah u enenyet walah abisse. Kuhaanihi weyti ween ichoow ꞌdooꞌdiis ba Jaldaabti Weene Yaꞌhuud tuummamba tol iwaheen, iskar ergeene ergaano jeela ka a lasookhaato yidaaheen.

Hilassi Ergaano 5:21 Referans Kwoze

Yoohana 8:2

Ibeenki kaas sooraaho baryo ka, toro Yeesso minki Waakhe buure isoonokhte. ꞌDooꞌd tuumman la kasoourure, ulla orronte, ꞌdooꞌd walah abche.

Hilassi Ergaano 22:15

At gartiis a laabta toro wihi tuummane at agarte toro daagte yaafo tuumman icheekta.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Hilassi Ergaano 5:34

Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.

Hilassi Ergaano 5:27

Ergaano sookhaatte Jaldaabti Weene Yaꞌhuud ortiis keente, ꞌdee kuhaanihi weyti ween ergaano waha a iyidaahe.

Hilassi Ergaano 5:17

Kuhaanihi weyti ween ichoow ꞌdooꞌdiiski usú raaho rabitti Sadukaayo kijiro ba jeenteti ergaanuu inaaf gele.

Yoohana 18:35

Bilaato wihi us ilaabe, “Kol an Yaꞌhuud ahe koogtahe? Yaaftaah ichoow kuhaaniyyohaahki wewweene dahanteey kisoogesse. At mehe yeesse?”

Luuka 22:66

Uun il barye ka, Jaldaabti Weene Yaꞌhuude kuhaaniyyohi wewween ichoow tagaammeti amurre kijiraan ba kulmeene, Yeesso la orcho lakeene.

Mattaayo 5:22

Iꞌdaasenyi wihi an atin iadeeh, eti tuummane etoo keeye ihollowe, a lahukkuma. Toro la eti tuummane etoo keeye abaare Jaldaabti Weene Yaꞌhuude liikeena, hukkunta. Iꞌdaasenyi eti tuummane etoo addan, ‘ꞌDalanki marah,’ iyidah, a geeddi meessi ꞌdabi armaanjireen lakalugꞌdo.

Hilassi Ergaano 22:5

Kuhaanihi weyti ween ichoow Jaldaab tuumman saggi wihi an eldi rum iyahiin a cheekaan. An icho khadaabi icho ꞌdooꞌdichoki Yaꞌhuude ilkerengeetti Damaasko kajiro ichiireene kakhaadde, intaas irde ꞌdee ꞌdooꞌdaas sookhabda, ilkerengeetti weene Yeerusaleem keena, sina loomhicha.