Hilassi Ergaano 5:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Wihi iche itidah, “Nyaama, minki Waakhe buure irda, enenyet buuhi wora jiroti husub icheeka.”

Hilassi Ergaano 5:20 Referans Kwoze

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Yoohana 6:68

Siimonhi Beetero layadeeh wihi us ilaabe, “Kamur ayyo addane iiranna? Ati kaldaye yeedi jiroti jirtuu imassan lakeelo khabta.

Mattaayo 21:23

Yeesso uranti minki Waakhe buure gele, geedda us ayti Waakh enenyet abcho, kuhaaniyyohi wewween ichoow ewweenki Yaꞌhuud ba Yeesso iyimaateen. Wihi icho worsateen, “Antohi at wahanyeyyoha kahaaggisso a weheeyya? Antoha la ayyo kisiiche?”

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Yoohana 18:20

Yeesso wihi us ilaabe, “An ꞌdooꞌd tuumman ꞌdowe kaleeyyeede. Kol tuumman minassi weysiite Yaꞌhuud ichoow minki Waakhe buurenye ꞌdooꞌdi Yaꞌhuud iskaꞌhelo ka laka ꞌdooꞌd wori Waakh a abche. Walah an dagsi ka idah mele.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Yoohana 12:50

Anna saggi amuriis jiroti jirtuu imassan ikeeno a garda. Toollaka wihi an eldi tuumman a wihi Aabbaheey dah iyidah on.”

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Mattaayo 10:27

Wihi an mugꞌdi ka atin iadeeh, maalim cheeka, wihi nabah ka atin liicheeke atin daagteen minan sarcho ka cheeka.

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.