14 Eheetteey laka, enenyeti buurenye Kamur rummeeste, mejel ichoow deyyeho liikasookhaye.
Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.
Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.
Jeentetaas u ꞌdooꞌdi goorat jita Yeesso enenyet abche raaho sina omhiche, ogoos laka ꞌdoone. Mejel ichoow deyyeho a sookhabde jeela gesse.
Yeedaas Yooba dakkhan kataaꞌhe, ꞌdooꞌdi ittaawe la Kamur rummeeste.
ꞌDooꞌdi tuummane ilkerengeetti Ludda ichoow ꞌdowhi Chaaron kajiro la Ayyenneya arge Kamur kakhuufe.
ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.
ulla khaadaabbeti us ꞌdooꞌdi minassi weysiite ilkerengeetti Damaasko iwewween ileeirti ꞌdee eti us yahe cheekto daahe. ꞌDeerka chirri us ꞌdooꞌdi jit Yeesso raaho ꞌhele, mejel ommos deyyeho eheetteey ka ba, a sookhabta ilkerengeetti weene Yeerusaleem keena.
Iꞌdaasenyi chirri icho Wori Haaggane dakhi Waakh ichoow Yeesso Kiriisto miinsane Fiilif cheeko rummeesteen ka, mejel ichoow deyyeho ba labaattissiye.
Iꞌdaasenyi Saawulo urur Kiriisto massin ꞌdoona, kolba minkoo gela mejel ichoow deyyeho sookhabta sookhaata jeela gessa, hida.
Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.
Iꞌdaasenyi ꞌdooꞌdi ittaawenye yeedicho daage, Yeesso rummeeste. Tiri ꞌdooꞌdi Kiriisto rummeeste geeddi elif chan yitah.
ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.
Barnaba la a etoo haaggane, Rubeyti Munyee buuhto toro la Yeesso kakhuufo. ꞌDooꞌdi ittaawe la kamur kakhuufe.
Ayyintoh Kiriisto ichoow Seytaan ba isikhabaan? Ommos eti Kiriisto rummeeste ichoow ki Kiriisto irummeysan mehe iskakhabaan?