Hilassi Ergaano 4:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ ꞌDooꞌdaas isleefiddiyo tuumman eticho sina khabe mele. Iꞌdi tahe kolba etichoki gos khabo ommos min khabo, a ororicha, chilimme

Hilassi Ergaano 4:34 Referans Kwoze

Hilassi Ergaano 2:45

ꞌDooꞌdaas hoolahicho ichoow meehichooda ororicheene, ebba geeddi sinatiis tahe u, chilimme lasiiche.

Luuka 16:9

Wihi an atin isoocheeko, hoolahiinki harrata aalal kabahsada ꞌdee maanti kamurroonkiin massate ka goobi Waakhe jirtuu imassan ka a atin lamartiisti.

Luuka 12:33

Wihi atin khabtaan ororicha, ꞌdee chilimme miskiin siicha. Urgohi chilimme jirtuu imassan isiyeela, kamurroonkiin goobi Waakh gessa, inti icho iꞌdaaru laka ikanuglaanne, liihatine, riirintoo rucchul laka ikaꞌdaarin gessa.

Luuka 22:35

Yeesso ꞌdeerka wihi us abattitiis worsate, “Maanti goorat chilimme ichoow ugar ichoow kobo laan an atin ergade atin wohoo a waayteen?” Wihi iche ilaabte, “Walahba.”

Marko 10:21

Yeesso et yeye, ꞌdoonine buuhisse. Ét iiyeyye, “Wohoo kaldaye kaankhan. Nyaame wihi at khabto tuumman ororiche, chilimme miskiin siiche, ꞌdee kamurroonki goobi Waakh ꞌhele, ꞌdee kaale isooraah.”

Mattaayo 19:21

Yeesso wihi us ilaabe, “Chaꞌat tuum jiroti el ikhabin jirin ꞌdoonto, nyaame, wihi at khabto tuumman ororiche, chilimme miskiin siiche, ꞌdee kamurroonki goobi Waakh ꞌhele, ꞌdee kaale isooraah.”

1 Timooti 6:19

Iꞌda ka jiroti soosohatti ka, iꞌdi tirrinki mujjum min tiiruu, hoolahi rummaat yahay a isigessaane, ꞌdee jiroti rummaate jirtuu imassan khabaan.

Hilassi Ergaano 4:37

Eta laka gosiis ororiche, chilimme sookhaate, ergaano ikeene.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

1 'Dessaloonika 4:12

Iꞌdaakka ꞌdooꞌdi Kiriisto irummeysan a atin inkaanyita, toro la et atin kanoossahiin mele.

2 Koriinto 8:14

Maantá buuhiinná wihi icho laayahiin buuhichá, ꞌdee maantoo addan toro buuhichoodá wihi atin laatahiin buuhichá. Iꞌdaakka la a inno islakeekkaacha.