Hilassi Ergaano 4:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² ꞌDooꞌdi Kiriisto rummeeste tuumman uuricho ichoow malicho a koo kalday. Et, “Waha a wahaaya, waha weheey mee,” yadeeh mele. Iꞌdaasenyi wihicho tuumman a isleegismeen.

Hilassi Ergaano 4:32 Referans Kwoze

1 Koriinto 1:10

Maantaka ꞌdooꞌd Kiriistokaaw, anto Yeesso Kiriistohi Kamureene ka a atin hawwaasde, taba atin tuumman isdaaga ꞌdee seley agoggowina. Toro la wihi atin goossaan ka maloo kalday khaba.

1 Beetero 3:8

Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.

2 Koriinto 13:11

ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.

Hilassi Ergaano 2:1

Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Hilassi Ergaano 1:14

Ichohaas tuumman, ichoow oboorrihoo addan ichoow Maariyati abar Yeessee, ichoow walaalinye Yeesso ba kol tuumman a sooururaane Waakh isleewahtaan.

Yoohana 17:11

An kola harra ma kasoojiro, iꞌdaasenyi icho uliba harra kajiraan. Aabbaheeyki munyee, miigti magahaahki at isiisse ka, magahaas ka bariiso, ꞌdee iꞌdi ani ichoow ati ba wohoo kalday inahuu, icho tuumman wohoo kalday a yitaaheen.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

Rooma 12:5

saggaas on u innohi ittaawe laka, jeenteti inno ichoow Kiriisto ba wohoo kalday inahuu, a iꞌdi sartoo kaldaye miilassi ittaawenye iskaattoollo khabto.

Hilassi Ergaano 5:12

Ergaano ꞌdooꞌd goyaka wahanyeyyohi ittaawenye miigti Waakh tuso ichoow girmo yeesse. ꞌDooꞌdi Kiriisto rummeeste tuumman la orran Oosim Soolomone kakulma.