Hilassi Ergaano 4:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Hilassi Ergaano 4:30 Referans Kwoze

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Hilassi Ergaano 6:8

Isiteefano weyti haaggi Waakhe buure ichoow miige buuhicheen. Ulla girmohi buure ichoow wahanyeyyohi miigti Waakh tuso ꞌdooꞌdi Yaꞌhuud goyaka haaggiche.

Hilassi Ergaano 5:12

Ergaano ꞌdooꞌd goyaka wahanyeyyohi ittaawenye miigti Waakh tuso ichoow girmo yeesse. ꞌDooꞌdi Kiriisto rummeeste tuumman la orran Oosim Soolomone kakulma.

Hilassi Ergaano 3:16

Kakhuufnaanki nah antohi magah Yeesso kakhuufno ka, eta orran dakkhan atin wihiis garattaane, toolla la agartaan, a lasamaache. Magah Yeesso ichoow kakhuufnaanki usu kayamiit, iche eta tuum samaache, saggi atin tuumman iagartaan u.

Hilassi Ergaano 2:43

Ergaano girmo ichoow wahanyeyyohi miigti Waakh tuso haaggisse, enenyet tuumman la roorro gesse.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Yoohana 4:48

Yeesso la wihi us iyidah, “Atin sammata atin wahanyeyyohi miigti Waakh tuso ichoow girmo iargin ma irummeysattaan.”

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.