Hilassi Ergaano 4:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Jaldaabe weyti yeedi kootteet katirriinsatte tootoosse ꞌdeerka sooꞌdiisse. Sinati icho ergaano igoochaan waayeen, a mehe enenyet tuumman jeenteti wihi yitah u Waakhe koolicha.

Hilassi Ergaano 4:21 Referans Kwoze

Hilassi Ergaano 5:26

Eti iskarti minki Waakhe buure yaakhisso iween, iskartoo khabaayi bahe ergaano toro sookhabte. Iskartaas la ergaano ma tottoganne, afi haaggan on ka soobihisse. Wihi iche karoorte la a ꞌdooꞌdi ꞌdee dagah kachibo yagiis.

Luuka 22:2

Kuhaaniyyohi wewween ichoow tagaammeti amurre jitoo iche Yeesso katagiise yowatta, a mehe enenyete karooraan.

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

Luuka 20:6

Iꞌdaasenyi chiꞌinno, ‘Enenyete kayimaateen,’ nadeeh, ꞌdooꞌd tuumman dagahe inno kachiba, iꞌdi tahe icho tuumman Yoohana eti Waákh íyeyyeedo iche ikhaataan.”

Mattaayo 21:46

Jiti iche Yeesso kakhabatti yowatte. Iꞌdaasenyi urure karooraan. A mehe enenyet Yeesso eti Waákh íyeyyeedo ikhaate.

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.

Hilassi Ergaano 5:40

Yeed Gamaliyeel malicho urgiyiche. Ergaano min goya iwaheene, lajahe. ꞌDeerka amur ibahcheen, uus icho yombuu toro magah Yeesso kaayyeedin. ꞌDeerka laꞌdiiche.

Hilassi Ergaano 4:17

Iꞌdaasenyi saggoo ꞌdee yeeda toro weyti itaaꞌhin u, ꞌdooꞌda tootoonno, ‘Toro maantoo addan magah Yeesso akayeyyeedina,’ inidaahe.”

Luuka 13:17

Chirri us iꞌdaas yidah ka ꞌdooꞌdi kootte Yeesso tirrimo lakhaanyo khaatatte, iꞌdaasenyi ꞌdooꞌdi addan haaggi noole us yeelo kahamaade.

Luuka 5:26

ꞌDooꞌd tuumman girmeeste, Waakh saaꞌde. Icho tuumman roorro gesse, wihi icho yidaaheen, “Maalinka girmo a agarre!”

Mattaayo 26:5

Wihi icho isiyidaaheen, “Iꞌdaasenyi uus inno daawta goyaka khaban, enenyet a geeddi us hol ka il baabiicho.”

Mattaayo 15:31

ꞌDooꞌd chuꞌus ꞌdooꞌdi af laaye yeyyeedo ichoow ki elyeenye sohti ichoow ki maꞌdayyeenye samaate ichoow ki indo laaye il argo arge ka weyti girmeeste Waakkhi Issiraayel saaꞌdeen.

Mattaayo 9:33

Chirri Yeesso et ginna kabahche ka, eti kootte yeyyeedin iubaaꞌdan yeyyeede, ꞌdooꞌd la weyti girmeeste, “Nah injire wihi iꞌdee ili Issiraayel goyaka ma argin,” yidah.

Hilassi Ergaano 4:22

A mehe eta luhlo laaye wihi weeli enenyet yeelin iubaaꞌdan ka lasamaache, guꞌh tomon affar af khabto, iche khaba.

Hilassi Ergaano 5:13

Chirri enenyet icho weyti inkaanyito laka, et addane goycho leemeet iggo mele.