Hilassi Ergaano 4:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Iꞌdi tahe wihi nah agarre ichoow wihi nah daagne leegammadin ma nabuuꞌd.”

Hilassi Ergaano 4:20 Referans Kwoze

Hilassi Ergaano 22:15

At gartiis a laabta toro wihi tuummane at agarte toro daagte yaafo tuumman icheekta.

Hilassi Ergaano 5:32

Nah ichoow Rubeyti Munyeenye Waakh eti yeediis raaho tuumman siicho a garti waha tuumman.”

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Hilassi Ergaano 3:15

Atin ki jiro kasoouummanto a tigaaseene, iꞌdaasenyi Waakh omoot a kasookahche. Nah la gartaas a laabna.

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Luuka 1:2

Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

Hilassi Ergaano 2:4

Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.

Hilassi Ergaano 1:22

Eti uus maanti Yoohana enenyet baattissiyo sookhabte ichoowka maanti Yeesso nah lakakhaate serey lageeche nah leejire a eheetti. A mehe a nah isookhaya ꞌdee garti saggi Yeesso omoot liikasookahche nah leecheeka.”