Hilassi Ergaano 4:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Iꞌdaasenyi Beetero ichoow Yoohana la wihi icho ilaabeen, “Bal wihi Waakh nah kaꞌdoono isigoocha, nahi aytiin raahno bal nahi ayti Waakh raahno.

Hilassi Ergaano 4:19 Referans Kwoze

Hilassi Ergaano 5:29

Beetero ichoow ergaanoti addan la mehe soolaabeen ya, “Wihi massan, nah Waakhe yeediis raahna, enenyet mee yeediis raahno.

1 Koriinto 10:15

Atin a ꞌdooꞌdi iiꞌdowe. Wihi an kaayyeedo isigoocha.

1 Timooti 2:3

Waha a haagganyahiine toro la Waakkhi ꞌDoorribeheene a kahamaadichaan.

Yoohana 7:24

Taba uurassiin goyaka walah wihi atin kaagartaan kalday ka uskeel iigoonna, jiti fissan ikagoocha.”

Mattaayo 22:21

Wihi icho ilaabeen, “A koo Kaaysar.” ꞌDeerka wihi us iyidah, “Kaaysar wihi wihiise iguta, Waakh la wihi wihiise iguta.”

Yaakoobo 2:4

Iꞌdaakka atin enenyet seley ma sassaahine toro la mali suuje ka enenyet ma hukkumin a?

Efeesso 6:1

Nyaakhut, jeenteti Kamur u, taba wihi ꞌdooꞌdi atin dele atin idowo raaha. A mehe iꞌdaas a iꞌdi mujjume.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

Ibiraaniya 11:23

ꞌDooꞌdi Muusá dele, kakhuufnaanki icho Waakh kakhuufeen on ka iche roorro laan amuri karnat bahche, nyaakhuti lallabe yaafohi Ibiraaniya tuummane labakkicho miinsan raahin ꞌdiiꞌdeen. Muusa uus desse, hay seyyah dakkhan dagcheen. Iꞌdi tahe Muusa weeli joon lehe eheet.

Luuka 22:8

Yeesso Beetero ichoow Yoohana ergate wihi us iyidah, “Nyaama inti inno gololi daawti Baasakka kanaham inno ihaaggicha.”

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”