Hilassi Ergaano 4:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Iꞌdaasenyi saggoo ꞌdee yeeda toro weyti itaaꞌhin u, ꞌdooꞌda tootoonno, ‘Toro maantoo addan magah Yeesso akayeyyeedina,’ inidaahe.”

Hilassi Ergaano 4:17 Referans Kwoze

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”

1 'Dessaloonika 1:8

A mehe wori Kamur miinsane goytiin kasoobahe, ꞌdooꞌdi boroofenhi Makedooniya ichoow ki boroofenhi Akhaaya laka a khaatte. Toro la wori saggi atin Waakh ikakhuuftaan il tuumman a kataaꞌhe. Maantaka wohoo rucchule nah kakhayno laka ma jiraan.

Hilassi Ergaano 5:24

Eti iskarti minki Waakhe buure yaakhisso iween ichoow kuhaaniyyohi wewween chiꞌicho wora daageen ka wihi nool isworsateene, wihi soobaho kamalaleen.

Hilassi Ergaano 4:21

Jaldaabe weyti yeedi kootteet katirriinsatte tootoosse ꞌdeerka sooꞌdiisse. Sinati icho ergaano igoochaan waayeen, a mehe enenyet tuumman jeenteti wihi yitah u Waakhe koolicha.

Mattaayo 27:64

ꞌDeerka amur bihiche, goꞌddi lakahawwaale a layaakhicho, ichoowka ibeenki seyyahnaatteet a yitaahe. Uus abattitiis iranne sartiis hatine, ꞌdee ꞌdooꞌd ‘Yeesso omoot a kasookahe,’ idowinee. Chiꞌche iꞌdaas yeesse, ekkeysihicheki toolla, koo Yeesso laka a kuta.”

Mattaayo 9:30

Chirraas on indo bahcheen. Yeesso icho weyti tootooche wihi us iyidah, “Etoo kalday laka uus waha aban!”

Yoohana 15:21

Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

Efeesso 6:9

Toro la Kamurre taba atin laka saggaas on u bowꞌdayyohiin haag on iyeela. Iitiftoonna, a mehe saggi atin igarattaan u atin tuumman Kamuroo kaldaye goobi Waakh ka khabtaane, ulla gar badah ma gatti.

1 Beetero 2:23

Us maanti laabaare laka abaar ma laabin. Maanti sina lakawaariche laka, ꞌdooꞌdi sina kawaariche ma itiftoonne, Waakkhi enenyet saggi mujjume ihukkumo on dahantiis isgesse.