Hilassi Ergaano 4:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 4:10 Referans Kwoze

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Mattaayo 2:23

ilkerengeettoo Naasaret layadeeh furte. Iꞌdaas ka wihi goorat ꞌdooꞌdi Waákh íyeyyeedo ka lacheeke labuuhiche, “Usu berri eti Naasarete layadeeh.”

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.

Luuka 18:37

Wihi icho usu iyidaaheen, “Yeessohi ilkerengeetti Naasarete kuta.”