Hilassi Ergaano 3:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Ét dahanti miigeet sookhabte, samacchaar sootololiche, chirraas on et luhlo haagsateene, miigoween.

Hilassi Ergaano 3:7 Referans Kwoze

Marko 1:31

Ulla irte, dahan sookhabte, sootoolliche. Lakabukkhe iche la icho goollin sookhabatte.

Hilassi Ergaano 9:41

Ulla dahan sookhabte toolliche. ꞌDeerka muunkheyyo ichoow ꞌdooꞌdi Kiriisto rummeeste soowahe, ichehi nool dahanticho gesse.

Marko 9:27

Iꞌdaasenyi Yeesso inam dahan khabte, sootoolliche, inam la tolossate.

Marko 5:41

Inám dahan sookhabte, “Taliiꞌda kuum!” iyidah. Iꞌda ka mehe leessa ya, “Inantaay sookahe kidowa!”

Luuka 13:13

Ulla dahantiis makhaabassaas korche, iche la chirraas on fit tolossatte, Waakh koolisse.

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Hilassi Ergaano 3:8

Serey isoonyaame, tolossate, sohte. Reér raahe minki Waakhe buure leegele. Geeddaas tuummane us sohti la hamaad ka sereye inyannyaama, Waakh koolicha.

Hilassi Ergaano 4:9

wihi maalinka nah lakahukkumo, a haaggi nah uuri ꞌdabakhe ka eta goorat luhlo laa nah tusne. Ichoow toro saggi liisamaache iche nah laworsata.

Hilassi Ergaano 4:16

“ꞌDooꞌda iꞌdoh nidaahe?” isworsatte. “ꞌDooꞌdi Yeerusaleem yaal tuumman saggi icho girmohi buurenye miigti Waakh tuso iyeeleen a garta. Inno rubeyteen la sag inno iꞌdiiꞌdno mele.