Hilassi Ergaano 3:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.

Hilassi Ergaano 3:18 Referans Kwoze

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Hilassi Ergaano 10:43

ꞌDooꞌdi Waákh íyeyyeedo tuumman wihi usu miinsane icho cheekeen, eti Kiriisto rummeeste tuumman, usu ka uskeel a liikakuta.”

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.