Hilassi Ergaano 3:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Kakhuufnaanki nah antohi magah Yeesso kakhuufno ka, eta orran dakkhan atin wihiis garattaane, toolla la agartaan, a lasamaache. Magah Yeesso ichoow kakhuufnaanki usu kayamiit, iche eta tuum samaache, saggi atin tuumman iagartaan u.

Hilassi Ergaano 3:16 Referans Kwoze

Hilassi Ergaano 14:9

Geedda Baawulo yeyyeedo dagansate. Baawulo indo katoolliche, saggi us Waakkhi usu samaacho ikakhuufo arge,

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Hilassi Ergaano 16:18

Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.

Mattaayo 9:22

Yeesso la urgiye makhaabál arge, wihi us iyidah, “Inantaay, aburꞌdowin! Kakhuufnaanki at ikakhuufte a kisamaache.” Makhaabale chirraas on samaatte.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

Yoohana 14:12

Rume atin icheeka, eti tuummane ani irummeesti, wihi an yeelo a yeela. Wihi waha kussan laka a yeela, iꞌdi tahe an Aabbahaaya inokhda.

Hilassi Ergaano 4:7

Beetero ichoow Yoohana orcho a lakeeno yidaaheene, ꞌdeerka waha wowworsateen, “Miig eyya ommos antohi magah eyya waha kayeesseen?”

Hilassi Ergaano 3:8

Serey isoonyaame, tolossate, sohte. Reér raahe minki Waakhe buure leegele. Geeddaas tuummane us sohti la hamaad ka sereye inyannyaama, Waakh koolicha.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Yoohana 7:23

Chirri yeele Seeri Lanaso lakhandiyo, ꞌdee amurre Muusa liijebin, a iꞌdohe jeenteti an Seeri Lanaso enenyet sartiis tuumman isamaachuu ihollowtaan?

Rooma 3:22

Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,

Mattaayo 14:29

Yeesso la, “Kaale,” iyidah. Beetero ꞌdeerka kooban goya kasooyage, bicche sarcho kasohte, Yeesso iirte.