Hilassi Ergaano 3:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Atin Eti Munyeenye toro Fissan a ꞌdiiꞌddeene, etoo dubunuunu enenyet yigisye atin liisoofuro daahteen.

Hilassi Ergaano 3:14 Referans Kwoze

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Hilassi Ergaano 7:52

Eti Waákh íyeyyeedo aacchinyetiin sina iomhin a jira? ꞌDooꞌdi emeetti Eti Fissan cheeke laka a bakkisseen. Atin la usu ꞌdub a goosseene toro la dubunuunu tigaaseen.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Yaakoobo 5:6

Atin ꞌdooꞌdi fiffissane atin itirrimine uskeel igoosseene toro dubunuunu bakkisseen.

Hilassi Ergaano 22:14

“ꞌDeerka wihi us yidah, ‘Waákh aacchinyeteen a kisoobahsate, ꞌdee mali us kikhabo abatta, toro la Eti Fissan agarta, toro usuhi hooyiis ka kileeyyeedo daagta.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

1 Yoohana 2:1

Nyaakhuteeyki an weyti ꞌdoono, waansihane atin isoochiira, uus ꞌdee atin uskeel yeeline. Iꞌdaasenyi chiꞌ etoo goytiin ka uskeeloo yeelo, eti meesseen ka Aabbaheen hawwaasti a khabna. Eta la a Yeesso Kiriistohi Fissan.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Hilassi Ergaano 2:27

A mehe meessi ꞌdooꞌdi tuume kijiro goya ma ikatabto, ommos Falfataahti Munyee ma ꞌdiisso ma suusahto.

Luuka 23:25

Eti icho daahenee goorat sirgaal ꞌdiiꞌdo toro la enenyet yigisye jeela kijire soofure. Yeesso la dahanticho gesse ꞌdee wihi icho ꞌdoonaan a yeeleen.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Marko 15:11

Iꞌdaasenyi kuhaaniyyohi wewween urur leeyeedeene, ꞌdee Bilaatohi Yeesso menye, Barraba soofuro a daaheen.

Marko 15:7

Etoo Barraba layadeeh ichoow ꞌdooꞌdoo sirgaal ꞌdiiꞌdo diho ka enenyet dubunuunu bakkiche jeela kijiraan.

Mattaayo 27:20

Iꞌdaasenyi kuhaaniyyohi wewween ichoow ewweenki Yaꞌhuud ba urur malicho urgiyicheene ꞌdee Barrabahi lasoofuro Yeesso la layagiis a daaheen.

Yoohana 16:10

Mali icho khabaane fissanoonki Waakh miinsan a baabul, iꞌdi tahe an Aabbahaaya iirda, atin la toro ma iagartaan.

Yoohana 18:40

Icho la riireene, “Mele, usu mee! Barraba nah sii!” yidaaheen. Barraba la goorat ꞌdooꞌdoo sirgaal ꞌdiiꞌdo goya kijire.

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”

Hilassi Ergaano 13:28

Chirri icho wihi rumanka Yeesso omoot liikagoocho ikhabin laka, Bilaato Yeessohi layagiise daaheen.