Hilassi Ergaano 3:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

Hilassi Ergaano 3:13 Referans Kwoze

Hilassi Ergaano 7:32

‘Ani a Waakh aacchinyetaahha, a Waakh Aburaaham ichoow Isakh ichoow Yaakoobo.’ Muusa nahtim ka harme intaas yeyin laka karoore.

Mattaayo 22:32

Waakh mehe yidah ya, ‘Ani a Waakh Aburaaham, a Waakh Isakh, a Waakh Yaakoobo.’ Usu Waakkhi ꞌdooꞌdi tuume menye, iꞌdaasenyi a Waakkhi ꞌdooꞌdi jiro.”

Ibiraaniya 2:9

Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.

Yoohana 19:15

Iꞌdaasenyi riireene, “Agiis, agiis! Massalaaba kakaah,” yidaaheen. Bilaato toro wihi us worsate, “Anihi karnatiin massalaaba kakaaho ꞌdoontaan?” Kuhaaniyyohi wewween wihi icho ilaabeen, “Kaaysar on menye, karnat addane nah khabno mele.”

Yoohana 19:12

Chirri Bilaato waha daage ka, jiti us Yeesso kafuro yowte. Iꞌdaasenyi weynaanti Yaꞌhuud riirte wihi iche tidah, “Chirri at eta soofurte, at aali karnati ili Rooma mee! Eti tuummane karnat iskawaho karnati ili Rooma tirrima.”

Yoohana 18:40

Icho la riireene, “Mele, usu mee! Barraba nah sii!” yidaaheen. Barraba la goorat ꞌdooꞌdoo sirgaal ꞌdiiꞌdo goya kijire.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Hilassi Ergaano 22:14

“ꞌDeerka wihi us yidah, ‘Waákh aacchinyeteen a kisoobahsate, ꞌdee mali us kikhabo abatta, toro la Eti Fissan agarta, toro usuhi hooyiis ka kileeyyeedo daagta.

Yoohana 12:16

Abattitiis laka kolooraat waha tuumman ma aban. Inkoo Yeesso goobi Waakh ka laweynaache on iche saggi yeedaas lachiire usu imiinsanyahe, toro wahaas laka usu iyeeleen kaseen.

Yoohana 7:39

Yeesso yeedaas ka la, wihi us woriis kayeyyeedo, a Rubeyti Munyeenye, ꞌdooꞌdi usu rummeeste sooꞌhelo. Geeddaka uliba Waakh ꞌdooꞌdi Kiriisto rummeeste Rubeyta Munyee ma siin. A mehe Yeesso geeddaakka goobi Waakh ka ma laweynaan.

Luuka 23:4

Bilaato la wihi us kuhaaniyyohi wewween ichoow urur ba iyidah, “An eta walah lakacheekti an argo mele.”

Marko 15:11

Iꞌdaasenyi kuhaaniyyohi wewween urur leeyeedeene, ꞌdee Bilaatohi Yeesso menye, Barraba soofuro a daaheen.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Mattaayo 27:2

Hidhideene, khaateene, Bilaatohi gaafanee dahan gesseen.

Mattaayo 20:19

Icho la dahanohi ꞌdooꞌdi Waakh igaran gessaane, lakachaarta, laajja ka doochaane, massalaaba kakaahaan. Ibeenki seyyahnaatteet ka omoot lakasookahcha.”

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Luuka 6:37

“Taba uurassiin goyaka enenyet ahukkumina uus Waakh atin hukkumine. Taba enenyet uskeele yeesseen iidowina, uus atin laka uskeele yeesseen atin liidaahane. Taba enenyet uskeel ikakuta, ꞌdee uskeeliin a atin liikakuto.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Hilassi Ergaano 3:12

Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.

Hilassi Ergaano 3:26

Maanti Waakh falfatiis sooerge, kolooraat atine atin isooerge, ꞌdee ebba jitiiski suuje kasoolaaba. Waakh saggaase atin ikamaale.”

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Luuka 22:57

Iꞌdaasenyi leeꞌdiiꞌde wihi us iyidah, “Irta an usu ma gardi.”