Hilassi Ergaano 28:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 28:23 Referans Kwoze

Hilassi Ergaano 19:8

Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa.

Hilassi Ergaano 18:28

A mehe us chirri us ꞌdooꞌdi Yaꞌhuud enenyet tuumman ortiis ka leehawwoocho, af ka a kahataate, Chiirnaanneti Waakh ka, saggi Yeesso rumanka Ki Lasubhe iyahe tuse.

Hilassi Ergaano 26:6

Wihi toolla liikahukkumo la, a jeenteti an wihi goorat Waakh aacchinyeteenyo iayyiche khajjeel ikakhabo.

Hilassi Ergaano 8:35

Fiilif ꞌdeerka chiirnaankaas Chiirnaanneti Waakh on kasookhabte, Wori Haaggane Yeesso miinsan icheeke.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Hilassi Ergaano 18:4

Seeri Lanaso tuumman la minki weysiite Yaꞌhuude irte ꞌdooꞌdi Yaꞌhuud ichoow ꞌdooꞌdi Yaꞌhuud ieheynan, wori Waakh icheeke anki Waakh isoojiite.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Fiilemon 1:2

ichoow Aafiyati too Kiriistee ichoow eteenyoki Arkiiba layadeehe nah sina isleenaham ichoow urur Kiriistoki kol tuumman minkaah ka Waakh wahti laka a isoochiira.

Marko 4:34

Enenyet mammah on menye, wohoo addan walah ma kaabin. Iꞌdaasenyi maanti icho keley yahiin, abattitiis mammahohaas wihi icho yahiin a icheeke.

Luuka 16:28

A mehe an walaal chane khaba. Icho a tootoocho uus ꞌdee icho laka maanti icho tuumeen inta bolokkhi uskul ꞌdooꞌd kayaham imaatane.’

Hilassi Ergaano 1:3

Inkoo sina lakawaariche us reera a isoobahe, jitassi ittaawe ka saggi us rumanka ijiro tuse. Geeddi ibeen tomon affar icho a isoobahe, wori dakhi Waakh miinsan kaleeyyeede.

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Hilassi Ergaano 28:31

Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.

Fiilemon 1:22

Wihi addane an kidaaho kallaayo, minki marti ka inti an baryo ihaaggi. A mehe khajjeeli an khabo a ki Waakh weysihiin daago, us toro ani goytiin isoolaabo.