Hilassi Ergaano 28:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”

Hilassi Ergaano 28:22 Referans Kwoze

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

1 Beetero 3:16

Toro rubeyti suujoon atin ikacheekan khaba, ꞌdee jirotiinti haaggane jeenteti atin Kiriisto ikakhuuftaan jirtaan ka atin hayhayo hankichokaas ka lakhaanyo a khaatatti.

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Luuka 2:34

Siimiyon ꞌdeerka icho iweeste, Maariyati abarti weele la wihi us iyidah, “Weela Waakhe soobahsate, ꞌdee ꞌdooꞌdi Issiraayel gaasoo riba gaasoo la bar tira. Ulla miigti Waakhe enenyet tusa, iꞌdaasenyi ꞌdooꞌdi buure usu a tirrima.

1 Koriinto 11:19

A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.

Hilassi Ergaano 26:5

Icho geeddi deer a igarteen. Chirri icho ꞌdoonaan, saggi an Farissaayo ieheet a cheekaan. Farissaayo la, a rabittoo Yaꞌhuude rabitohi addane Yaꞌhuud ꞌdirihiis wihi Waakh ꞌdoono mujjum raahto.

Hilassi Ergaano 15:5

ꞌDeerka ꞌdooꞌdoo Kiriisto rummeeste orey rabitti Farissaayo eheet la tolossate wihi us yidah, “Wihi massan, yaafohi Yaꞌhuud ieheynan a lakhandiya toro wihi lakaꞌdoono a ichohi amurre Muusa raaho.”

Hilassi Ergaano 5:17

Kuhaanihi weyti ween ichoow ꞌdooꞌdiiski usú raaho rabitti Sadukaayo kijiro ba jeenteti ergaanuu inaaf gele.

Rooma 1:8

Wihi an kasoodaabdi, Waakkhaaya Yeesso Kiriisto ka kalaꞌd ilaaba jeentetiin u. Wihi tahe, saggi atin Yeesso Kiriisto ikakhuuftaan, ꞌdooꞌdi harra kajiro tuumman a cheeka.