Hilassi Ergaano 28:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen.

Hilassi Ergaano 28:2 Referans Kwoze

Ibiraaniya 13:2

Goobassiin ka, ꞌdooꞌdi atin igaranne atin martiisattaan laka kasooꞌhela. A mehe ꞌdooꞌdoo saggaas on u garrawwaayyo ka herti Waakh a martiiste.

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Rooma 1:14

Hili Waakh ikorche a ki enenyet tuumman. Ani ꞌdooꞌdi hugummeti Giriig raaho ichoow ki hugummeti Giriig iraahin ba hilichooda khaba. Ani ꞌdooꞌdi soome ichoow ki isoomin ba hilichooda khaba.

2 Koriinto 11:27

An weyti hol dowe, sinayyo laka iyumheene, ibeenneti ittaawe urꞌdumme laka waaye, raarahde, subgaade, kolassi ittaawe golol laan fiddiye. A roffoode toro gaaddi iyaakhto laka waaye.

Hilassi Ergaano 28:4

Chirri ꞌdooꞌdi ilaas toofi dahan Baawulo kalollooꞌdo arge ka, wihi icho isiyidaaheen, “Eta rumanka diige khaba, a mehe chirri us beyti buure goyaka iumaatan laka, waakkheenki Ki Jiti Fissan Ka Enenyet Hukkumo layadeeh usu jiro a tirte.”

1 Koriinto 14:11

Chirri ꞌdeerka an afoo foolicho ikhabin, an etaas ka a yeelanahe, etaas la ani ka a yeelayyahe.

Mattaayo 10:42

Chiꞌ etoo kooboo biccheete khobee laka ꞌdooꞌdaar kichokoo siiche jeenteti us abattiteey iyahuu, rume atin icheeka, etaas koloo kalday laka kalaꞌddiis ma waayo.”

Hilassi Ergaano 27:3

Ibeenki kaas sookhuccho ka ilkerengeetti Siidon gelle. Yuuliyas la weyti Baawulo ihaagganeete, ꞌdiiche irte, aalassiis iirte icho la wihi us ꞌdoono siicheen.

Rooma 2:27

ꞌDooꞌdi Yaꞌhuud ieheynane sartiis ka ikhandiyanne toro amurre Muusa raaho, iche atinhi Yaꞌhuude chiirnaanneti amurreta khabtaane khandiyattaane toro la iraahin, saggi atin amur ijebisseene uskeel iyeesseen atin igoocha.

Yoohana 18:18

Il a roffo gone, ilbooyye ichoow iskare ba ꞌhor on ꞌdab bolkhicheene, kasookhaarteene dahambooteen. Beetero laka irte iskar leetoolossate, ꞌdabe dahambootaa.

Hilassi Ergaano 28:3

Baawulo la khorokkoo soobaayiche. Chirra us ꞌdab kachibo ka, toofoo jeenteti kuleeli ꞌdab u soobahe dahantiis khaniine, toro dahan kaallooꞌde.

Rooma 14:1

Taba, eti kakhuufnaanki us Waakh kakhuufo ꞌdabakhyahe soodowwaacha, toro la mali us khabo wahanyeyyohoor mammarah miinsan, aleeiriirina.

Rooma 14:3

Eti golol tuumman yaham, uus ki imboogati gos kalday yaham ꞌdarraawin giꞌde. Eti imboogati gos kalday on yaham la, uus eti addane golol tuumman yaham uskeel igoon giꞌde. Iꞌdi tahe Waakh kan walah tuumman yaham laka a khaatte.