Hilassi Ergaano 28:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Hilassi Ergaano 28:17 Referans Kwoze

Hilassi Ergaano 25:8

Baawulo la isiyeyyeede, “An uskeel amurreti Yaꞌhuud ommos minki Waakhe buure ommos Kaaysarhi Rooma iween miinsane an yeele mele,” yidah.

Hilassi Ergaano 6:14

Usuhi, ‘Yeessoha ilkerengeetti Naasaret a yamiite, minka Waakh jejjebcha, hugumme Muusa la urgiyicha,’ essi a daagne.”

Hilassi Ergaano 25:10

Baawulo wihi us ilaabe, “An toolla kootiin Kaaysarhi Rooma goya toolla, inti imasse liikahukkumo a tan. Iꞌdi at mujjum igarattuu, an walah suujenye an ꞌdooꞌdi Yaꞌhuud iyeele mele.

Hilassi Ergaano 22:5

Kuhaanihi weyti ween ichoow Jaldaab tuumman saggi wihi an eldi rum iyahiin a cheekaan. An icho khadaabi icho ꞌdooꞌdichoki Yaꞌhuude ilkerengeetti Damaasko kajiro ichiireene kakhaadde, intaas irde ꞌdee ꞌdooꞌdaas sookhabda, ilkerengeetti weene Yeerusaleem keena, sina loomhicha.

Hilassi Ergaano 25:2

Intaas ka kuhaaniyyohi wewween ichoow weynaanti Yaꞌhuud Baawulo cheekatte.

Hilassi Ergaano 23:33

Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.