Hilassi Ergaano 28:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Geeddi nah Rooma igelin ꞌdooꞌdi Kiriisto rummeeste saggi nah inamiit daage, yimiyye, Sokkoti Abbiyo ka or nah kasoodowe. Gaasoo la inti Wetteelinyeti Seyyahe layadeeh ka isꞌhelle. Baawulo la chirri us icho arge ka, Waakh kalaꞌd ilaabe weyti uur miigooche.

Hilassi Ergaano 28:15 Referans Kwoze

Ibiraaniya 13:3

ꞌDooꞌdi jeelayyo kijiro laka kasooꞌhela, ꞌdee aw ikhaba, iꞌdoo atin laka jeelayyohaas kaleejirtaan u. Toro la ꞌdooꞌdi sina lakawaaricho laka aw ikhaba, iꞌdoo atin laka sinataas atin lakawaarichuu.

Rooma 15:24

mali an khabo a mehe ya, maanti an ili Isbaaniya isohdi a atin sooꞌdaara. Khajjeeli an khabo a ki an atin leeamiite, ꞌdee atin luhlo iyeessaan. Waha la a inkoo an geeddoo atin leebarye, inno isleehamaane.

Galaatiya 4:14

Sarteeyti ꞌdaran kajmeti buurenye atin ititah. Eheetteey laka, atin ma iꞌdarraawin ommos ma iꞌdiiꞌdin. Saggi atin imartiisatteen, atte an a herti Waakh ommos a Yeesso Kiriisto rubeytiissa.

Hilassi Ergaano 21:5

Iꞌdaasenyi maanti ibeenkeenyo massate ka kahne, orey isohanne. ꞌDooꞌd tuumman la deyyehoticho ichoow nyaakhut khabaayi nah sooraahe, ilkerengeet nah kaleebahe. Bicche aficho ka nah tuumman icho khabnaayi jilbo il kaguꞌdubne, Waakh wahanne.

Hilassi Ergaano 10:25

Chirra Beetero min soogelo ka Korneeliyo Beetero or kasoodowe, inkaanyit ka ortiis ka jilbo il kaguꞌdde.

Yoohana 12:13

Seytohi geeyi baar sookhaateene, baheene, Yeesso or kadoween. Chirra icho or kadowaan la a riiraane, “Waakh a lakoolicho!” “Waakh ki magahi Kamur kayamiit a imaale.” “Waakh Karnati Issiraayel a imaale!” iche essaan.

1 'Dessaloonika 3:7

Maantaka ꞌdooꞌd Kiriistokaaw, chirri nah saggi atin mujjum Kiriisto ikakhuuftaan daagne, sina ichoow bolokkhi nah ꞌhelle ka uur a nah miigoosseen.

2 Koriinto 2:14

Iꞌdaasenyi Waakkhi chirrar tuumman girꞌdaanki soorin Kiriisto ka inno woyo kalaꞌd ilaabno. Waakh nah ka wor Kiriistoki lagarti iꞌdi uyuuggi haaggan u, meel tuummane kataaꞌhicha.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 10:23

Beetero ꞌdeerka ꞌdooꞌd min goya iwahe martiiste. Ibeenki kaas sooraaho ka Beetero ꞌdooꞌd raahe. ꞌDooꞌdoo ilkerengeetti Yooba ka Kiriisto rummeeste laka Beetero raahe.

Hilassi Ergaano 11:1

Ergaano ichoow ꞌdooꞌdi Kiriisto rummeeste Yaꞌhuudiya kijiro tuumman saggi yaafohi Yaꞌhuud ieheynan laka Yeedi Waakh ikhaatteen daageen.

Hilassi Ergaano 11:12

Rubeyti Munyee wihi iche ani itidah, ‘ꞌDooꞌdaas a leejijjiitanne, raah.’ Reera lihenye koo Kiriistee laka ilkerengeetti Yooba ka iraahe ichoowka ilkerengeetti Kaaysareya isleeiranne, nah tuummamba min Korneeliyo isleegelle.

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Hilassi Ergaano 28:14

Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy.