Hilassi Ergaano 28:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Uuꞌ goorat kooban jejjebeen, hay seyyahe kutte. Koobanhoo ili Alekisaandariya kayimiyye, sumatticho “Waakkhassi Manꞌdaanee,” layadeeh gelle. Koobanha la geeddi hayohi hafari miige jire tuumman Malta on kajireen.

Hilassi Ergaano 28:11 Referans Kwoze

Hilassi Ergaano 27:6

Intaas ka eti koobbintoo iskareet itoollo, koobanhi ilkerengeetti Alekisaandariya kayimiyye ili ꞌDeylaan isohti ꞌhele, nah korche.

1 Koriinto 8:4

Maantaka ayta gololi iyookkoyyohi waakkhakh lakayeessi liisoorriyooche layaham ka, saggi iyookkoyyoha harrata ka Waakh ieheynan a garanna. Saggi Waakkhi rummaate jiro la koo kalday on iyahe a garanna.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 13:6

Kurtetaas tuumman dah kagoocheene Wori Haaggan cheekeene ichoowka ilkerengeetti Baabos eleeleen. Intaas ka etoo Yaꞌhuude moreenye eti Waákh íyeyyeedo iskaayyeelo Bar Yeesso layadeeh ꞌheleen.

Hilassi Ergaano 28:10

Icho la weyti nah inkaanyiteen. Maanti nah kahno ka wihi nah jit ka raahno tuumman nah siicheen.

Hilassi Ergaano 28:12

Ilkerengeetti Siirikusaay nimiyye orrah seyyah intaas bariine.