Hilassi Ergaano 27:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Baawulo la inkoo us waha yidah ka, makaatetoo sookkhiche, icho tuumman orcho ka Waakh kalaꞌd ilaabe. ꞌDeerka makaate jebche yuhum.

Hilassi Ergaano 27:35 Referans Kwoze

Mattaayo 15:36

ꞌDeerka makaateyyohi teebee ichoow bahag khaate, Waakh kalaꞌd ilaabe, jejjebche, abattitiis ididdiibe, abatti la baꞌh gisse.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

1 Beetero 4:16

Iꞌdaasenyi chiꞌ jeenteti at koo Kiriisto itahuu sina kitaham uuryaawine, jeenteti magah Kiriisto liikaawahuu Waakh kooli.

Rooma 14:6

Eti tuummane seeroo munyaacho, iꞌdane yeela ꞌdee Kamur inkaanyita. Eti jid yaham la iꞌdane yeela ꞌdee Kamur inkaanyita. A mehe ullaka gololaas ka Waakhe kalaꞌd ilaaba. Eti gololletoo bujo laka iꞌdane yeela, ꞌdee Kamur inkaanyita, toro la Waakh kalaꞌd ilaaba.

Rooma 1:16

An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

Yoohana 6:23

Koobanohoo anki ilkerengeetti Tibeeriya kayimiy la yimaateene, inti chele inkoo Kamur Waakh kalaꞌd ilaabe urur fiddiye makaate kayuhum yimaateen.

Yoohana 6:11

Yeesso ꞌdeerka makaateyyo khaate, Waakh kalaꞌd ilaabe, ꞌdooꞌdi intaas fiddiyo geeddi icho ꞌdoonaan gise. Bahag laka iꞌdaas on yeele.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

Marko 8:6

Ulla urur amur ibahche orrommiche. Makaateyyohi teebee khaate, Waakh kalaꞌd ilaabe jejjebche, abattitiis ididdiibe, “Baꞌh gisa,” iyidah. Iche la baꞌh gisse.

Mattaayo 14:19

Ulla urur amur ibahche hoos koorromiche. Makaateyyohi chane ichoow bahaggi lammee khaate, serey yeye, Waakh kalaꞌd ilaabe, makaateyyo jejjebche. ꞌDeerka abatti idiibe, abatti la enenyet siisse.