Hilassi Ergaano 27:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Jeenteti icho koobanhi daddaabo ka jejjebo ikarooraan u, kooban ꞌdubiis ka gaꞌdaarreti kooban toollisso, affar bicche goya iꞌdiicheene, ili baryo Waakh iwahteen.

Hilassi Ergaano 27:29 Referans Kwoze

Hilassi Ergaano 27:17

Inkoo icho koobanhi rucchul koobanhi buure kookkhicheen ka, yabarre kooban iliis kajurkhicheen, uus jejjebinee. Koobanhi yoohti Liibiya bicche iliis kijiro jeychaane karooreen. Darfohi kooban woyo yagcheene ꞌdee hafar kooban a woyo.

Ibiraaniya 6:19

Waha inno khajjeello la, jiroteen ka fiddihi roorro laan lafiddiyo khuuf inno siichaan. Eti inno khajjeel kakhabno a Yeessohi dafarti yobbeenye meel seley goosso tabe, dafartaas ꞌdirihiche ka meessi goyaat ikute.

Hilassi Ergaano 27:30

ꞌDooꞌdi kooban woyo ichohi firdo ꞌdoonaane koobanhi rucchul beyti buure goyaka il iwoyeen. Ichohi gaꞌdaarreti kooban toollisso kooban orcho laka gelin ꞌdoono iskayeeleen.

Hilassi Ergaano 27:26

Iꞌdaasenyi hafar a inno woya, kooban la kurohoo bicche dahcho kajiro ka kichekoo kajejjebaan.”

Hilassi Ergaano 27:28

Yabari wohoo huleese kahidanyihiine bicche geeddicho lakarerreego bicche kalugꞌdeene, bicche geeddicho rerreegeen. Bicche la a geeddi mitta tomon affar. Iꞌdaaru toro orey isohteene, geeddi bicche hogyahiin rerreegeen. Bicche la mitta tomon seyyah yitaaheen.