Hilassi Ergaano 27:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ wihi iche itidah, ‘Baawulo, roorro akhabin! Ati Kaaysar ortiis a tolossatta. Haaggi Waakhe buure ka, ꞌdooꞌdi kooban kaaleejiro tuumman, koo kalday laka ma yamuut.’

Hilassi Ergaano 27:24 Referans Kwoze

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Mattaayo 10:28

ꞌDooꞌdi sar on yagiise iꞌdaasenyi rubey iꞌdoo iidaahan akaroorina. Waakkhi sar ichoow rubey ba baabiicho, meessi ꞌdabi armaanjireen kalugꞌdo karoora.

Yaakoobo 5:16

Maantaka uskeeli atin isiyeesseen isicheekda, toro la isiweesda, ꞌdee Waakh a atin samaacho. Weysihi eti fissan weyti miig a khabaane toro la wihi buurenye yeelaan.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Bakkaahit 1:17

Chirri an usu arge ka, an iꞌdi eti yumuy u, ortiis kasoodihe. Ulla dahantiisti miigeet ikorche, wihi us iyidah, “Roorro akhabin. Ani Oreyenye toro ani Salaahime.

Hilassi Ergaano 27:37

Nahi kooban iskaleejirre isgoya a et kud lamma ichoow et tomon teeba ichoow et lih.

Hilassi Ergaano 27:44

ꞌDooꞌdi sooꞌhade la ebba khoꞌdoonkoo ommos meehi addane koobanoote khabta, ꞌdee bicche afiche imaaha. Iꞌdaas yeelle nah tuummamba harrati kafafsan nebey eleelle.

Hilassi Ergaano 25:11

Chirri kootiinhi ili Rooma saggi an wohoo liikayagiis yeele gooche la, omoot ma ꞌdiiꞌdo. Iꞌdaasenyi chirri wihi ꞌdooꞌda Yaꞌhuud ikacheekti rume ikajirin, et antohi us dahanohicho ikagesso khabo mele. An Kaaysare iooya,” yidah.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Yoohana 11:9

Yeesso wihi us ilaabe, “Orrahti maantoo kaldach sahaꞌd tomon ichoow lamma ma khabto? Eti maalim sohti, ma tarraantarrati, iꞌdi tahe etaas eti harrata banay siicho, iche arga.

Mattaayo 10:18

Jeenteteey u gaafanayyo ichoow karnato atin liigeecha, atin la garti Wori Haaggan icho ichoow yaafohi Yaꞌhuud ieheynan itateehiin.

Hilassi Ergaano 27:31

Baawulo la chirraakka wihi us eti koobbinti iskareet itoollo ichoow iskar ba iyidah, “Sammata ꞌdooꞌda kooban woyo ifiddiyin, etiin bahsati mele.”

Hilassi Ergaano 27:42

Iskare la mali iche khabte, a ki iche ꞌdooꞌdi hihhidan bakkisso, iicho bicche taagine firdinee.

Fiilemon 1:22

Wihi addane an kidaaho kallaayo, minki marti ka inti an baryo ihaaggi. A mehe khajjeeli an khabo a ki Waakh weysihiin daago, us toro ani goytiin isoolaabo.