Hilassi Ergaano 27:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Ibeenkate Waakkhi an kiis ahe toro an ihilo hertiistoo garabaaya tolossatte,

Hilassi Ergaano 27:23 Referans Kwoze

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Hilassi Ergaano 5:19

Iꞌdaasenyi ibeen ka, hertoo Kamur afafhi jeela furte, ergaano bihisse.

Rooma 1:9

Waakkhi an uureey tuumman ka ifalo, an Wori Haaggane Weeliis miinsan an cheeko, garti saggi an ayti rummaat ieldi koli an weesdi tuumman an koloo kalday laka atin ikadabin a laaba.

Hilassi Ergaano 18:9

Ibeenkooka Kamur Baawulo fooltabcho ka leeyyeede wihi us iyidah, “ꞌDooꞌda akaroorin, leeyeyyeede, waha at haaggisso la aꞌdiin.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Hilassi Ergaano 8:26

Hertoo Kamur la wihi iche Fiilif itidah, “Sookahe, gurro tabe, jiti ilkerengeetti weene Yeerusaleem kakhubti ilkerengeetti Gaasa irti isoho.” Waha la a jiti hidaadeet.

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

2 Timooti 2:24

Eti Kamur ifalo ma jaakho, uure ꞌdabakhyahe, enenyet walah abin a yabuuꞌde, toro la garrahsi leeyahe.

2 Timooti 1:3

An Waakkhi an iꞌdi aacchinyeteey u rubeyti suujoon ikacheekan ka an ifalo kalaꞌd a ilaaba. Maalim ichoow ibeen ba la weysiheey ka ma kaadabo.

1 Koriinto 6:20

A mehe Waakh wihi buurenye gute atin gatte. Maantaka ebba sartiis ka Waakh a inkaanyito.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Hilassi Ergaano 16:17

Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte.

Hilassi Ergaano 12:23

Chirraas on jeenteti ꞌHerood Waakh ikoolin u, hertoo Kamur usu guꞌdubte, ulla deyyah uur yumheene, yumuy.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.