Hilassi Ergaano 27:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Hafaraas miige ma yaasin ba ichoowka ibeenki kaas sooraaho ka, meehi kooban goya kajiro beyti buure goya kalugꞌdeen, uus bicche kooban khaatinee.

Hilassi Ergaano 27:18 Referans Kwoze

Hilassi Ergaano 27:38

Inkoo icho geeddi icho ꞌdoonaan yumheen ka, ꞌdargaayye beyti buure goya isayeen huleesi kooban kajiro nuglaacheen.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Hilassi Ergaano 27:19

Ibeenki kaas sooraaho ka, dahanohicho ka yabarre ichoow meehi koobanoot sesseyeen.

Luuka 16:8

“Eta kamure ilbooyiiska weene khollokkhan jeenteti ekkeysihiis u kooliche. A mehe ꞌdooꞌdi harrata wihi icho isiyeelaan ka, ꞌdooꞌdi banayhi Waakh kijiro khara ka a kussanyahiin.

Mattaayo 16:26

Etoo maanta, a chirri us wohoo ꞌhele, chirri us wihi harrata tuumman ꞌhele, jiroti awtiissa Waakh siiche la waaye? Ommos weeli enenyet maanta mehe diibin yabuuꞌde jirotiis kadooricha?

Luuka 12:23

Jiro golol a kussantahe, sare la gaad a kussantahe.