Hilassi Ergaano 26:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Khajjeela la a ki yaafohi Issiraayele tomon ichoow lammee ibeen ichoow maalim Waakh iwahtaane icho sugaan. Karnatoow jeenteti khajjeelane ꞌdooꞌdi Yaꞌhuud icheekta.

Hilassi Ergaano 26:7 Referans Kwoze

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

1 Timooti 5:5

Muunkhoti rumanka walah ikhabine, eti yeyo laa, eti iche khajjeel kakhabto a Waakh kaldach on. Iche la ibeen ichoow maalim ba Waakhe wahatta gargaar daahta.

1 'Dessaloonika 3:10

Ibeen ichoow maalim ba rumanka Waakh a wahanna, ꞌdee jiti nah toro atin kasooꞌdaarro fura, toro la wihi Kiriistohi atin kakhuuftaan ka laatahiin, atin siinna.

Fiiliffi 3:11

ꞌDeerka iꞌdoo ka an ꞌdooꞌdi omoot lakasookahcho goya kijira.

Luuka 22:30

Atin la ꞌdee goobeey ka ileegolossattaane, komborohi antoot koorromattaane, yaafoheenki Issiraayele tomon ichoow lammee anattaan.”

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Hilassi Ergaano 26:2

“Agiribbahi karnate, an maalinka weyti hamaada chirri an ortaah toollo ꞌdee wihi ꞌdooꞌdi Yaꞌhuud ikacheekti ortaah ka isiyeyyeedo.

Hilassi Ergaano 20:31

ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Hilassi Ergaano 24:15

Khajjeeli icho awtichuu Waakh kakhabaan, annaka a khaba. Khajjeelaas la a ki ꞌdooꞌd tuumman omoot ka lasookahcho, ki fiffissan eheetteey ommos ki sussuuje eheetteey ka ba.

Hilassi Ergaano 26:3

Kach ka la, a jeenteti ati hugummeti Yaꞌhuud ichoow wihi icho worsataan tuumman igaratti. Toollaka a kihawwaasde samacchaar on idaganso.”

Hilassi Ergaano 28:20

Wihi an atin iwahe a wahaas. Innohi isabanni toro isleehawwoonno ꞌdoona. An toolla biingoyyoha ikahidan a jeenteti khajjeeli innohi ꞌdooꞌdi Issiraayele tuumman khajjeello.”