Hilassi Ergaano 26:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Baawulo la wihi us ilaabe, “Geeddoo rucchul ommos geeddoo deer eheetteey ka ba, Waakhe daaha ati kalday la menye, ꞌdee ꞌdooꞌdi maalinka idagansati tuumman iꞌdeey u Yeesso kakhuufa, hiinaanka an hidanahe on liihidin menye.”

Hilassi Ergaano 26:29 Referans Kwoze

Efeesso 6:20

Jeenteti Wora Haaggan u, anihi meel Kiriisto kijiro jeela kijira. Waakh wahda, ꞌdee wora roorro laan saggi imale a icheeko.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

Rooma 10:1

ꞌDooꞌd Kiriistokaaw, wihi uur weyti iꞌdoono toro la an Waakh daaho, a ꞌdooꞌdi Issiraayele laribo.

Hilassi Ergaano 21:33

Eti iskar tuumman itoollo irte Baawulo khabte, amuri biingo lamma lakahido bahche. ꞌDeerka eti us yahe ichoow wihi us yeele ꞌdooꞌd worsate.

2 Koriinto 11:1

Bal chaꞌan geeddoor saggi ꞌdalam iyeyyeedo iikaꞌharina. Iꞌdaasenyi ma ikaꞌhartaan ba.

1 Koriinto 7:7

Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.

1 Koriinto 4:8

Kol atin daragteene kogtahiin. Kol atin kamurrowteene koogtahiin. Chirri nah kamurre ieheynan laka, kol atin kola kamurre titaaheene koogtahiin. Incheenka kootte karnatte tateehiine, ꞌdee inno tuumman walah isleedakhanna.

Hilassi Ergaano 25:14

Inkoo icho ibeennetoo tuumman baryeen ka, Feestas wihi Baawulo lakacheekti karnat kaleehawwooche, wihi us yidah, “Etoo goorat Feelig hidanyahaayi katabe a jira.

Hilassi Ergaano 12:6

Ibeenki ꞌdee saahka ꞌHerood Beetero soohukkumo ka, Beetero et lamma iskareete dahcho urꞌda, biingo lamma lakahide, tooba etoo iskareete lakahide, iskarti lammeenye aritti jeela toorribto la a jirta.

Yoohana 5:34

Toro la yeedi weeli enenyete eti an ahe soocheeko, ani ka a walahba. Iꞌdaasenyi waha a atin isoocheeka ꞌdee Waakh atin riba.