Hilassi Ergaano 26:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Baawulo wihi us Feestas ilaabe, “Eti ween, an sirgo menye, yeeda an kaayyeedo la a yeedi rummaate, a yeedi eti iiꞌd khabo.

Hilassi Ergaano 26:25 Referans Kwoze

Hilassi Ergaano 23:26

Eti khadaaba soochiiro, a ani Kilaawudiyo Luusiyas. Eti an ichiiro la a atihi weene, gaafaneenye Feelig layadeeh. Nebeytaah ma furatti.

Tiito 1:9

Toro la a eti wori rummaate lakakhuufo laabche mujjum khuccho, ꞌdee eti wora ka ꞌdooꞌdi addan uur miigoon yabuuꞌde toro ꞌdooꞌdi wora tirrimo uskeelicho icheekin yabuuꞌd.

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

Hilassi Ergaano 24:3

Feelighi weyti weenoow, meel tuumman ka ichoow jitassi ittaawe ka, gargaara ka kalaꞌddi buurenye kisoolaabna.

Yoohana 8:49

Yeesso la wihi us ilaabe, “Ani ginna ma idakhatti. Iꞌdaasenyi an Aabbahaaya koolo ikeena, atin la lakhaanyo ikadowtaan.

Luuka 1:3

Toollaka ani rubeyteey walah tuumman uuꞌ maanti waha yitaaheen mujjum goya a yeye, ichoowka mali an waha saggi icho iyitaaheen ikaasoochiiro gooche.